Luis Rodríguez de Viguri Seoane, nado en Santiago de Compostela o 16 de outubro de 1881 e finado en Madrid o 12 de outubro de 1945, foi un avogado, diplomático e político galego.
Traxectoria Licenciado en Dereito, pertenceu ao Corpo Xurídico Militar e á carreira consular. Iniciou a súa carreira política no Partido Conservador como adherido a Augusto González Besada, obtendo un escano de deputado por Lugo nas sucesivas eleccións que se celebraron entre 1918 e 1923. Foi Subsecretario de Ministerio de Abastecementos (1919) e Subsecretario da Presidencia (1921).
Foi ministro de Fomento entre o 4 e o 7 de decembro de 1922 nun goberno que presidiu Sánchez Guerra, e ministro de Economía Nacional ao finalizar a ditadura de Primo de Rivera entre o 20 de agosto de 1930 e o 18 de febreiro de 1931 nun gabinete presidido por Dámaso Berenguer. miniatura|150px|Luis Rodríguez de Viguri, retrato en Vida Gallega, 1934.
Durante a Segunda República achegouse aos agraristas, e obtivo un escano pola provincia de Lugo nas eleccións xerais de 1933 como independente de dereitas e nas eleccións xerais de 1936 polo Partido Agrario Español. Entre 1934 e 1936 foi tamén presidente da Real Sociedade Xeográfica de España.
Notas
Véxase tamén
Bibliografía
Categoría:Ministros de Fomento de España Categoría:Deputados de Galicia no Congreso dos Deputados Categoría:Deputados nas Cortes da II República Categoría:Nados en Santiago de Compostela Categoría:Nados en 1881 Categoría:Finados en 1945 Categoría:Membros de honra da Real Academia Galega