Daniel González Güiza, nado en Xerez da Fronteira (Cádiz) o 17 de agosto de 1980, é un futbolista español. Xoga de dianteiro e o seu actual club é a UD Roteña, da Primeira División Andaluza.
Traxectoria Inicios Nacido en 1980, no seo dunha familia humilde, Dani Güiza pasou a súa infancia no popular barrio da Liberación, na zona sur de Xerez da Fronteira. Tras destacar en equipos de fútbol base, iniciou a súa carreira profesional nas filas do Xerez CD, por entón en Segunda División B. Güiza declarouse seguidor do Xerez abertamente en varias ocasións ao longo da súa vida deportiva, manifestando ata que lle gustaría xogar o último ano da súa carreira deportiva neste equipo.«O 2008 foi o ano máis bonito de toda a miña carreira»
A tempada 1999–00 foi cedido ao Dos Hermanas CF, tamén na categoría de bronce, onde empezou a despuntar como goleador. A metade da tempada o Real Club Deportivo Mallorca fíxose cos seus servizos por 117 millóns de pesetas, un desembolso considerable para un xogador aínda en idade xuvenil.
Primeira división Aínda que a súa fichaxe foi para reforzar ao filial dos baleares, esa mesma campaña chegou a debutar co primeiro equipo na máxima categoría. Foi nun encontro contra o RCD Espanyol, o 2 de abril de 2000, con só 19 anos.
A pesar dos seus prometedores inicios, nas dúas seguintes tempadas só disputou seis partidos co primeiro equipo, nos que marcou un gol. O seu baixo rendemento, acusando a súa atarefada vida extradeportiva, fixo que o club optase por cedelo a tempada 2002–03. Lucas Alcaraz, que fora o seu técnico en Dos Hermanas, abriulle as portas do Recreativo de Huelva, que acababa de ascender a Primeira División. En Huelva só disputou 4 partidos, nos que non anotou ningún gol, e terminou a tempada no filial do FC Barcelona, en Segunda B.
Rexurdir O verán de 2003, coa súa carreira en claro declive a pesar dos seus 23 anos, foi traspasado ao CF Ciudad de Murcia, que ese ano debutaba en Segunda División. No club murciano recuperou o instinto goleador (16 tantos no seu primeiro ano e 20 no segundo). Uns rexistros que lle permitiron volver á máxima categoría, tras enrolarse á filas do Getafe CF.
Na súa primeira campaña no club madrileño logrou nove tantos en 32 partidos, que permitiu aos azulones manter a categoría sen apuros. Na súa segunda tempada logrou mellorar os seus números na liga, con once tantos, pero o seu papel máis destacado foi na Copa. Seus foron dous dos catro goles cos que o Getafe remontou un 5-2 do FC Barcelona, clasificándose para a final copeira por primeira vez na súa historia, un éxito sen precedentes para o modesto club madrileño. Güiza foi titular na final, que o seu equipo acabou perdendo ante o Sevilla FC.
Explosión O verán de 2007, tras rexeitar ofertas do Deportivo da Coruña e o Kazan ruso, finalmente foi traspasado ao RCD Mallorca. No seu regreso ao conxunto balear protagonizou a mellor campaña da súa carreira, sendo o máximo goleador da liga española con 27 dianas, batendo a marca anotadora dun xogador mallorquinista nunha tempada. O rexistro, ademais, permitiulle gañar a Bota de Prata como segundo mellor goleador das ligas europeas. Mercé a esta gran tempada, en novembro de 2007 debutou coa selección española e foi convocado para participar na Eurocopa 2008, onde marcou dous goles, un deles en semifinais. Recibiu o premio Cidade de Xerez á deportividade.
O 15 de xullo de 2008 firma por catro anos co Fenerbahçe SK a cambio de 15 millóns de euros, o que lle converte na fichaxe máis cara da historia do fútbol turco. No club de Istanbul coincide con Luis Aragonés, que xa fora o seu técnico en Mallorca e coa selección.
Selección nacional Foi internacional en vinte ocasións coa Selección de fútbol de España. Debutou o 21 de novembro de 2007, nun partido de clasificación para a Eurocopa 2008 ante Irlanda do Norte, disputado no Estadio de Gran Canaria, con resultado 1-0 a favor dos españois.
Güiza foi convocado polo seleccionador Luis Aragonés para formar parte dos 23 xogadores que disputaron a Eurocopa 2008. Güiza xogou o terceiro partido da primeira fase completo, e participou nos partidos de cuartos de final, semifinal e final. En total estivo no terreo de xogo durante aproximadamente 175 minutos de competición. Meteu dous goles: un contra Grecia na primeira fase e outro contra Rusia na semifinal.
Palmarés Campionatos nacionais TítuloClubPaísAnoSupercopa de TurquíaFenerbahçe SKTurquía2009Liga de TurquíaFenerbahçe SKTurquía2011
Copas internacionais
TítuloClubPaísAnoEurocopaSelección nacionalEspaña2008
Distincións individuais
DistinciónAnoTrofeo Pichichi2008Bota de Prata2008Trofeo Zarra2008
Notas
Véxase tamén Ligazóns externas Entrevista en Diario Marca (10-07-2008) RCDM > Xogadores de onte e de hoxe: Dani Güiza (Biografía)
Categoría:Nados en 1980 Categoría:Nados en Xerez da Fronteira Categoría:Futbolistas de Andalucía Categoría:Dianteiros de fútbol Categoría:Xogadores do Xerez CD Categoría:Xogadores do RCD Mallorca B Categoría:Xogadores do RCD Mallorca Categoría:Xogadores do Dos Hermanas CF Categoría:Xogadores do Recreativo de Huelva Categoría:Xogadores do FC Barcelona B Categoría:Xogadores do CF Ciudad de Murcia Categoría:Xogadores do Getafe CF Categoría:Xogadores do Fenerbahçe Categoría:Xogadores do Johor FC Categoría:Xogadores do Club Cerro Porteño Categoría:Xogadores do Atlético Sanluqueño CF Categoría:Xogadores da selección de fútbol de España Categoría:Gañadores do Trofeo Zarra Categoría:Españois de ascendencia xitana Categoría:Gañadores do Trofeo Pichichi Categoría:Futbolistas gañadores da Eurocopa