Rafael Pérez Vázquez, nado na Mezquita en 1968, é un político galego do BNG.
Traxectoria É autónomo e traballa no sector do transporte, como taxista e na empresa de autobuses da familia. Nas eleccións municipais de 2003 encabezou a candidatura do BNG na Mezquita e foi elixido concelleiro. Logo das municipais de 2007, tras perdelo PPdeG a maioría absoluta, chegou a un acordo de goberno co PSdeG-PSOE e pasou a ser tenente de alcalde do socialista José Luis Santamarina Ferro. Tralas municipais de 2011 foi elixido alcalde co apoio dos dous concelleiros do PSdeG-PSOE e o único do PPdeG. O apoio do PPdeG produciuse para impedir gobernar a Mezquiteses Agrupados (MA), liderada polo expopular Francisco Montesinos, que fora a lista máis votada. En xaneiro de 2014 os independentes presentaron unha moción de censura contra el, apoiados por un concelleiro socialista transfuga. Porén, a moción fracasou dado que legalmente o apoio do transfuga non era válidoLa moción de censura en A Mezquita no sale adelante.
Nas municipais de 2015 volveu ser elixido alcalde co apoio do PSdeG-PSOE. Nas municipais de 2019 foi reelixido cunha ampla maioría absoluta, logrando un 65% dos votos e 7 concelleiros de 9. Nas municipais de 2023 foi novamente reelixido con maioría absoluta, se ben baixou a un 51% dos votos e 5 concelleiros.
Notas
Véxase tamén Outros artigos Eleccións municipais na Mezquita
Ligazóns externas
Categoría:Alcaldes da Mezquita Categoría:Alcaldes de Galicia polo BNG Categoría:Alcaldes de Galicia durante a democracia Categoría:Nados na Mezquita Categoría:Nados en 1968