A Fédération Internationale du Sport Automobile (FISA) foi o Consello de Administración dos acontecementos das carreiras de motor. As orixes da organización remóntanse a 1922, cando a Federación Internacional do Automóbil (FIA) delegou a organización das carreiras automobilísticas ao CSI (Comisión Deportiva Internacional da FIA), un comité autónomo que máis tarde se converterá na FISA.

A reestruturación da FIA en 1993 levou á desaparición da FISA, pondo o automobilismo baixo a xestión directa da FIA.

Historia Este comité autónomo foi creado pola FIA en 1922 baixo o nome de Commission Sportive Internationale (CSI). Foille delegada pola FIA a organización de carreiras automobilísticas. En 1978, tras a elección do francés Jean-Marie Balestre como presidente, a CSI cambiou o seu nome a FISA, mantendo o seu rol. Baixo o impulso de Balestre, a FISA comezou a tomar o control da Fórmula 1, ameazada pola aparición ao final dos anos 1970 da Asociación de Construtores de Fórmula Un (FOCA), a asociación de construtores de F1 dirixida por Bernie Ecclestone. Esta loita de influencia, coñecida co nome de Guerra FISA-FOCA, conduciu á redacción dos Acordos da Concordia en 1981, os cales selaron a repartición de poderes na Fórmula 1, conservando a FISA o control deportivo e regulamentario do campionato. Tras a elección de Max Mosley como cabeza da FISA en 1991 e da FIA en 1993, ambas as institucións foron reformadas e a FISA foi absorbida pola FIA, que desde entón está directamente encargada das carreiras automobilísticas deportivas.

Desde entón, é frecuente mesturar FIA e FISA, polos feitos que tiveron lugar cando as dúas entidades eran distintas.

Presidents Presidente Anos de presidenciaCommission Sportive Internationale Rene de Knyff 1922–1946 Augustin Perouse 1946–1961 Maurice Baumgartner 1961–1970 Paul Metternich 1970–1976 Pierre Ugeux 1976–1978Fédération Internationale du Sport Automobile Jean-Marie Balestre 1978–1991 Max Mosley 1991–1993

Notas

Véxase tamén Ligazóns externas Páxina da FIA .

Categoría:Automobilismo Categoría:Organismos da Fórmula 1

sv:FISA