A bandeira de Xordania está baseada no deseño da bandeira da rebelión árabe fronte ao Imperio Otomán que tivo lugar durante a primeira guerra mundial. A bandeira consiste en tres franxas horizontais do mesmo tamaño (negro, branco e verde), unidas cun triángulo rubio situado no bordo máis próximo ao mastro. As cores das franxas horizontais simbolizan o Califato abbasí, o Califato da Dinastía dos Omeias e o Califato fatimí. O triángulo rubio representa a dinastía Haxemí que reina no país e tamén figurou na bandeira da rebelión árabe. No interior do triángulo rubio está situada unha estrela branca de sete puntas que é a única diferenza que distingue a bandeira de Xordania da que foi usada durante a rebelión. A estrela ten un dobre significado: as sete puntas simbolizan os sete versos da primeira sura do Corán e tamén é un elemento que fai alusión á unidade dos pobos árabes.
Galería
Véxase tamén Outros artigos Escudo de Xordania
Ligazóns externas
Xordania Categoría:Símbolos de Xordania Categoría:Bandeiras de Xordania Xordania