dereita|miniatura|200px| As Terres de l'Ebre (Terras do Ebro) é unha rexión do sur de Cataluña (España) formada polas comarcas de Baix Ebre, Montsià, Terra Alta e Ribera d'Ebre. É un dos oito ámbitos funcionais territoriais definidos no Plan territorial xeral de Cataluña, para un hipotético desenvolvemento da Comunidade Autónoma en vigairías.
O seu accidente xeográfico máis característico é o curso baixo do río Ebro. O seu territorio, con máis de 3.300 km cadrados representa o 52% da superficie da provincia de Tarragona e o 10% da de Cataluña e está constituído por 52 municipios.
As principais localidades por poboación son: Tortosa, Amposta, Sant Carles de la Ràpita, Deltebre, Alcanar e l'Ametlla de Mar. Teñen un peso representativo tamén Gandesa e Móra d'Ebre, como capitais de comarca que son.
No aspecto ambiental as catro comarcas posúen un importante patrimonio natural: os parques naturais de Delta do Ebro e Portos de Tortosa-Beceite, así como outras zonas que gozan doutros graos de protección, como a serra de Cardó ou a reserva de Sebes en Flix. A este súmaselle o seu legado cultural e histórico-artístico, como os conxuntos históricos de Tortosa, Horta de Sant Joan, Miravet, Batea ou Arnes.
Véxase tamén Parque Natural do Delta do Ebro (Terras do Ebro-Reserva da biosfera) Parque Natural de Els Ports (Terras do Ebro-Reserva da biosfera)
Ligazóns externas Terras do Ebro-Reserva da biosfera Viulebre.com. Turismo, actividades, servizos e notícias das Terres de l'Ebre. Surtdecasa.cat . Axenda cultural e de ocio. IDECE. Instituto para o desenvolvemento das comarcas do Ebre. Terresdelebre.org . Padroado de Turismo da Deputación de Tarragona.
Categoría:Ámbitos funcionais territoriais de Cataluña Categoría:Provincia de Tarragona