O ácido fólico ou ácido pteroilglutámico, é unha vitamina hidrosoluble. O ácido fólico por si mesmo non é bioloxicamente activo, pero a súa importancia débese a que del derivan o tetrahidrofolato e outros derivados despois da súa conversión no fígado a ácido dihidrofólico, os cales transportan grupos hidroximetilo e formilo nas reaccións do metabolismo. No organismo humano, é necesario para colaborar na síntese de purinas e timina, que son constituíntes do ADN. Xunto á vitamina B12, é preciso para o crecemento, polo que o seu déficit pode producir un crecemento menor ao fisiolóxico.
Ademais, o ácido fólico intervén na maduración dos eritrocitos, e a falla desta vitamina produce unha anemia de eritrocitos de grande tamaño (megaloblástica).
Notas
Véxase tamén Outros artigos Ácido tetrahidrofólico
Bibliografía Tradado de Fisiología Médica. Guyton. Undécima edición. ISBN 84-8174-926-5
Categoría:Vitaminas Categoría:Folatos