Pedro Acedo Penco, nado en Hornachos, Badaxoz, en 1956, é un político español, alcalde de Mérida entre 1995 e 2007, e de novo en 2011 ata 2015.
Traxectoria Nacido en Hornachos, viviu en Barcelona, Madrid e Burgos, aínda que a súa vida transcorreu principalmente en Mérida. Técnico de publicidade, en 1988 accedeu ao concelle de Mérida como concelleiro independente nas listas de Alianza Popular. Entre 1988 e 1990 estivo á fronte da Asociación Estremeña de Radiodifusión. En 1991 preséntase por primeira vez como candidato do PP á alcaldía de Mérida, sendo derrotado polo entón alcalde e candidato do PSOE Antonio Vélez Sánchez. Non obstante, en 1995 gaña os comicios municipais por maioría simple e é proclamado novo alcalde de Mérida. En 1999 consegue a maioría absoluta, que repite en 2003.
En 2004 foi proposto para encabezar as listas do PP ao Senado por Badaxoz, pero elixiuse finalmente a Miguel Celdrán, alcalde de Badaxoz. En decembro de 2006 confirma que non se presenta á reelección nas eleccións de maio de 2007, sendo candidata do seu partido Pilar Vargas. En ditos comicios, o PP perde o concello en beneficio do PSOE e Acedo abandona a alcaldía. En 2008 presentou a súa candidatura á presidencia do PP de Estremadura, pero retírase o día antes do congreso autonómico. Na actualidade, é Presidente Local do PP de Mérida e alcalde da cidade despois de conseguir a maioría absoluta con 13 concelleiros nas eleccións municipais do 22 de maio de 2011."Acedo recupera la mayoría absoluta para el PP con 13 concejales" en hoy.es.
Notas
Categoría:Nados en Hornachos Categoría:Nados en 1956 Categoría:Políticos do PP Categoría:Alcaldes de Mérida Categoría:Deputados no Congreso dos Deputados (XII Lexislatura) Categoría:Senadores de España polo PP Categoría:Deputados do Congreso dos Deputados polo PP Categoría:Deputados da Asemblea de Estremadura