Cándido Rafael del Río Giménez, nado en Olmedo o 4 de setembro de 1855Rexistro no Libro de bautizados da Igrexa de Santa María de Olmedo, onde foi bautizado o 9 de setembro do mesmo ano. e finado en Vigo en novembro de 1935,Necrolóxica en El Pueblo Gallego, 24-11-1935, p. 2. foi un farmacéutico e xornalista español.
Traxectoria Fillo de Francisco del Río Ortiz e de Marta Giménez Martín,O primeiro apelido da nai tamén aparece escrito ás veces como Jiménez e como Ximénez. tivo polo menos outros cinco irmáns: Julia Rafaela (n. 1853), Amalia Rafaela (n. 1854), Benito Rafael (n. 1857), Nicolás Rafael (n. 1859) e Eguicio Rafael (n. 1861).
Estudou farmacia, tendo farmacia propia, cando menos ata 1885, na localidade valisoletana de Arrabal de Portillo. En 1882 presentou a unha exposición un libro sobre contabilidade farmacéutica, que obtivo nela unha medalla, e finalmente publicouno ao ano seguinte, dedicada ao Ilustre Colexio de Farmacéuticos de Madrid. Algúns anos máis tarde trasladouse a Baiona, onde abriu unha farmacia na que traballou varios anos, ata que a puxo á venda en 1891. Pouco tempo despois trasladouse a Bouzas, onde pertenceu á primeira xunta directiva alí constituída da Asociación da Cruz Vermella, en xuño de 1894, co cargo de secretario, poucos meses despois de ter falecido a súa dona. Así mesmo, foi farmacéutico en Bouzas, onde desenvolveu o oficio até a súa morte.
Na súa xuventude, mentres aínda vivía en Valladolid, foi correspondente da revista Semanario Farmacéutico. Esta faceta xornalística continuouna ao ser nomeado director do periódico El Miñor de Baiona, onde figurou con este cargo desde o número 47, de 7 de outubro de 1905, ata o seu peche en 1911. Tamén foi profesor das Escolas Pro-Val Miñor, nas que foi nomeado profesor auxiliar de 1º grao o 13 de xaneiro de 1913. Curiosamente, estivo como correspondente da revista viguesa Vida Gallega no acto de inauguración deste centro educativo o 4 de maio de 1909, onde tirou un feixe de fotos, xa que tamén foi fotógrafo afeccionado.
Vida persoal O 16 de xuño de 1881 casou con Elvira Arias (finada en Baiona en marzo de 1894) na igrexa de San Xoán Bautista de Arrabal de Portillo, en Valladolid.
Notas
Categoría:Xornalistas de Galicia Categoría:Farmacéuticos de Galicia Categoría:Nados na provincia de Valladolid Categoría:Nados en 1855 Categoría:Finados en 1935