Лидија Поет (26 август 1855 – 25 февруари 1949 година) била првата модерна италијанска адвокатка. Поради нејзиното исклучување од адвокатската комора се појавило движење за да им се дозволи на жените да практикуваат право и да имаат јавна функција во Италија.
Кариера Поет е родена во 1855 година во селото Траверс, Переро, во долината Германаска што зборува окситански, во валдензиско семејство. Таа ги положила своите правни испити на Правниот факултет на Универзитетот во Торино и ја добила својата диплома на 17 јуни 1881 година. Следните две години таа „посетувала судска пракса“ во канцеларија на адвокат и помагала на седниците на трибуналите. Потоа имала теоретски и практичен испит на Редот на адвокатите од Торино и, одобрено со 45 од 50 гласови, била запишана во списокот на адвокати на 9 август 1883 година.
Сепак, уписот на жена на списокот не му се допаднал на јавниот обвинител, кој поднел жалба до Апелациониот суд во Торино. И покрај аргументите и примерите на жени адвокати во други земји (како што е Клара С. Фолц), главниот обвинител тврдеше дека на жените им е забрането со закон и јавна политика да влезат во судството. Апелациониот суд последователно утврдил дека уписот на Поет е незаконски. Таа поднела жалба до Врховниот суд, но одлуката на понискиот суд била потврдена во 1884 година и на Поет и бил оневозможен приемот како адвокат во адвокатската комора во Торино.
По одлуката на Врховниот суд, Поет работела во правната канцеларија на нејзиниот брат, Енрико Поет, во пракса ја работела работата на адвокат иако не можела да потпишува писма или да се изјасни на суд. Нејзиниот брат секоја година заминувал за Виши во Франција. Тогаш таа целосно ја преземала работата и кога било потребно, барала машки колеги да се изјаснат на суд во име на нејзините клиенти.
Подоцнежен живот До крајот на животот, Поет била активна во меѓународното женско движење.
Според Законот бр. 1176 од 17 јули 1919 година, на жените им било дозволено да извршуваат одредени јавни функции. Дури во 1920 година, Лидија Поет, како 65-годишна жена, била запишана во евиденцијата на членовите на Советот на адвокатите и официјално признаена како адвокатка, кога конечно се запишала во списокот на комората на Торино.
Починала во приморското одморалиште Диано Марина во 1949 година.
Во популарната култура Животот на Лидија Поет е инспирација за ТВ серијата на Нетфликс „Законот според Лидија Поет“, а ја игра Матилда Де Анџелис.
Поврзано
Првите жени правници ширум светот
Наводи
Литература
.
Категорија:Окситанци Категорија:Починати во 1949 година Категорија:Родени во 1855 година Категорија:Феминистки Категорија:Адвокати