Женски ракометен клуб Металург — женски ракометен клуб од Скопје, Република Македонија.
Металург е еден од најуспешните клубови во Македонија. Тие се четирикратен шампион на Македонија и четирикратен освојувач на Купот на Македонија.
Историја Клубот е основан во 1964 година под името МИК и се натпреварувал во аматерската ракометна лига на Југославија. Во сезоната 1969/70 МИК станал шампион во ракометната лига на СР Македонија. Во 1973 година клубот бил преименуван во РК Скопје. Конечно во 1975 година, РК Скопје го постигнал својот најголем успех, учевство во првата ракометна лига на Југославија. Во 1978 година РК Скопје го освоил Купот на Југославија за територија на СР Македонија.
По осамостојувањето на Република Македонија од Југославија во 1991, клубот се натпреварувал во Македонската ракометна супер лига. Во сезоната 2007-2008, клубот добил силен спонзор, и под името ЖРК Металург Скопје, без пораз, изборил влез во Супер лигата. Во сезоната 2009-2010, ЖРК Металург ги освоил својте први титули во Македонската супер лига и Купот на Македонија и тоа без ниту еден пораз. Веднаш потоа клубот успеал да ги одбраните двете титули и во наредните две години. Во сезоната 2011-2012, клубот го постигнал својот најдобар резултат во европските натпрварувања стигајќи до осминафиналето на Купот на победниците на куповите, каде биле сопрени од германскиот Лајпциг.
Во 2013 година Металург освоил уште еден трофеј во Купот на Македонија, четврти во нивната клупска историја. Сепак, од таа сезона па скоро до крајот на декадата клубот повеќе не бил во можност да освојува титули. Главна причина за тоа била екипата на ЖРК Вардар која предводена од новиот спонзор создала силен тим и наскоро станала доминант во лигата и една од најсилните екипи во Европа.
Сепак, откако пред почетокот на сезоната 2018-2019 политиката во екипата на Вардар се променила и тие ги отпуштиле сите врвни ракометарки неизвесноста во суперлигата повторно се вратила. Во сезоната 2018-2019 по шест години пауза и доминација на Вардар, ракометарките на Металург ја вратил титулата во Автокоманда, освојувајќи ја четврта шампионска титула во клупската историја.ЖРК Металург е нов шампион на Македонија zrk.rkmetalurg.mk конс. 22.5.2019 Во истата сезона клубот бил поразен во полуфиналето на купот од Куманово.Куманово противник на Вардар во финалето на Купот на Македонија kurir.mk конс. 9.5.2019
Сала
Металург има своја сопствена сала во Автокоманда со капацитет од 2.000 седечки места, каде што тие ги играат својте домашни натпревари. Сепак, натпреварите во натпреварувањата на ЕХФ тие ги играат во Спортската сала „Борис Трајковски“, која собира преку 5.000 седечки места.
Постигнувања
Македонска Суперлига Победник (4): 2009-2010, 2010-2011, 2011-2012, 2018-2019
Куп на Македонија Победник (4): 2010, 2011, 2012, 2013
ЕХФ Челинџ куп Полуфиналист (1): 2009-2010
Играчи Моментален состав Состав за сезоната 2019-2020
Голмани 1 Амра Иљаз 96 Бисера Паскал 12 Теодора Кркачева Десни крила 6 Антонела Ристовска 74 Мирјана Петковска Леви крила 29 Билјана Дамчевска 15 Марија Тасевска 33 Пена Граматова Пивоти 17 Аида Смајловска 22 Мила Алексова
Леви бекови 18 Мери Арсениевска 31 Јана Калајџиевска 13 Теодора Гулицоска 23 Тамара Темелковска
Средни бекови 10 Ана Марија Божиновска 71 Сара Стефановска 32 Ива Божиновска 7 Мила Ѓорѓиевска
Десни бекови 5 Марија Гугуљанова
Стручен штаб Тренер: Александар Петровски Помошник тренер : Благоја Весиќ Физиотерапевт: Кате Андоновска Директор: Филип Христов
Познати поранешни ракометарки Тања Андрејева Мирјета Бајрамоска Андреа Белеска Ивана Гакидова Леонида Гичевска Душица Ѓорѓиевска Елена Ѓорѓиевска Елена Ливриниќ Робертина Мечевска Драгана Пецевска Сара Ристовска Јована Саздовска Кристина Лишчевиќ Катарина Крпеж Наташа Савко Јелена Трифуновиќ
Поврзано - машка екипа
Наводи
Надворешни врски Официјално мрежно место ЕХФ Профил Ракометна Федерација на Македонија Женска Регионална Ракометна Лига
Категорија:Ракометот во Скопје Металург