Salah Hissou () er ein marokkansk tidlegare friidrettsutøvar som vart verdsmeister på 5 000 meter under VM 1999 i Sevilla. Han vann elles bronse på 10 000 m både ved Sommar-OL 1996 og Friidretts-VM 1997.
Aktiv Hissou deltok i yngre år mest i terrengløp. I 1995 debuterte han på bane i eit internasjonalt meisterskap og vart fjerdemann i milløpet under VM i Göteborg, nesten fem sekundar bak bronsevinnar Paul Tergat frå Kenya. Den 5. juni 1996 sette Hissou personleg rekord på 5 000 meter med 12.50,8 i eit stemne i Roma. I slutten av juli månad vann han bronsemedaljen på 10 000 m under dei olympiske sommarleikane i Atlanta, slått med i 16-17 sekundar av vinnaren Haile Gebrselassie frå Etiopia og Paul Tergat. Vel tre veker seinare, den 23.august 1996, flytta Hissou verdsrekorden på 10 000 m til 26.38,0 ved eit stemne i Brussel, ein rekord som stod seg i nesten eitt år. Innspurten på milløpet under verdsmeisterskapen 1997 i Aten var jamn, men enda med same tre på sigerspallen som i Atlanta året før; 1) Grebselassie, 2) Tergat, 3) Hissou.
Då Friidretts-VM 1999 fann stad i Sevilla, satsa Hissou på 5000 meter. På oppløpssida kjempa Hissou om sigeren mot tre andre løparar og viste seg som den klart sterkaste spurtaren.
Medaljar og plasseringar i internasjonale meisterskap VM 1995 i Göteborg: Nr 4 på 10 000 m – 27,19,3 OL 1996 i Atlanta: Bronsemedalje på 10 000 m – 27.24,6 VM 1997 i Aten: Bronsemedalje på 10 000 m – 27.28,6 VM 1999 i Sevilla: Gullmedalje på 5 000 m – 12.58,1, framom Benjamin Limo (12.58,7) VM 2003 i Paris: Utslått i kvalifiseringa på 5 000 m (13.44,2 =nr 18)
Kjelder Denne artikkelen bygger på «Salah Hissou» frå , den 30. mai 2018.
World Athletics
Kategori:Marokkanske langdistanseløparar Kategori:Olympiske bronsemedaljevinnarar for Marokko Kategori:Medaljevinnarar under sommar-OL 1996 Kategori:Marokkanske deltakarar under sommar-OL 1996 Kategori:Friidrettsutøvarar under sommar-OL 1996