Cupfinalen i fotball 1995 var den 90. finalen i rekka av norske meisterskap i fotball for menn. Finalekamp vart spelt sundag 29. oktober på Ullevaal stadion i Oslo framfor 27 561tilskodarar. Kampen mellom Rosenborg Ballklubb og Sportsklubben Brann enda 1-1 etter 120 minuttts spel. Roar Strand skåra for Rosenborg i det 61. minutt, Frank Strandli utlikna for Brann på straffespark 11 minutt seinare. Jon Skjervold frå Fet IL var dommar.
Dermed vart det ny finale på same banen, ei veke etter. 20 076 på tribunane såg då Rosenborg BK vinne kongepokalen for sjuande gong, tre år etter den forrige NM-triumfen. Seriemeisterlaget frå Trondheim sigra 3–1 over Bergens-laget Brann. Inge Ludvigsen gav Brann leiinga i det 21. minutt, allereie to minutt seinare utlikna Tom Kåre Staurvik på straffspark. Mål av Erik Hoftun og Steffen Iversen etter høvesvis 37. og 50. minutt avgjorde kampen til RBK sin fordel. Rune Pedersen frå Sprint-Jeløy dømde kampen.
Laga Rosenborg sitt mannskap i den avgjerande kampen bestod av: Jørn Jamtfall, Karl Petter Løken, Tom Kåre Staurvik, Erik Hoftun, Ståle Stensaas, Roar Strand, Bent Skammelsrud, Steffen Iversen, Vegard Heggem, Harald Martin Brattbakk og Jahn Ivar Jakobsen. Tre mann frå reservebenken fekk sleppe på bana i kampens siste sekundar, berre for å verte noregsmeistrar. Ola By Rise, Bjørn Otto Bragstad, Trond Egil Soltvedt og Vegard Heggem spelte i den fyrste finalekampen.
Brann stilte med Vidar Bahus, Geirmund Brendesæter, Roger Helland, Inge Ludvigsen, Claus Lundekvam, Agust Gylfason, Lars Bakkerud, Eirik Skjælaaen, Eivind Karlsbakk, Per Ove Ludvigsen, Frank Strandli. Karlsbakk og Skjælaaen vart bytt ut i det 58. og 68. minutt, inn kom Erik Johannessen og Roger Nordstrand. Magnus Johansson og Geir Hasund spelte den fyrste finalen
Kjelder Bergensavisen 30. oktober 1995 Bergensavisen, mandag 6. november 1995
Kategori:NM i fotball Kategori:Sport i Noreg i 1995 Kategori:Noregsmeisterskap i 1995 Kategori:Idrettstilskipingar i Oslo