Hans Nicolai Lange () var ein norsk lærar, prest og politikar frå Jevnaker.
Prestesonen Lange var utdanna cand.jur. i 1818 og cand.theol. i 1832. Han kom til Drammen som kateket og var 1835-46 førstelærar ved Bragernes borgarskule. 1838-39 var han den fyrste ordføraren i Drammen, på ny ordførar 1842-47. I 1839 var han ein av tre karar som representerte valkrinsen Drammen i Stortinget. På tinget var han medlem i Protokollkomiteen og komiteen om veglova. Seinare medlem av ein kongeleg kommisjon om fattiglova. I 1846 fekk Lange stillinga som sokneprest i det nyoppretta prestegjeldet Bragernes. Svak helse gjorde at han reiste til Frankrike hausten 1848, der han døydde i Paris.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1839-1841 Kategori:Folk frå Jevnaker Kategori:Folk frå Drammen Kategori:Norske prestar Kategori:Norske lærarar