Fotballkampen Italia–Noreg i 2025 fann stad sundag 16. november på Stadio Guiseppe Meazza i Milano. Landskampen var den åttande og siste for dei to laga i kvalifiseringa til Fotball-VM 2026. 69 020 tilskodarar såg ein kamp styrt av den spanske dommaren Alejandro Hernandez.

Laga Berre ein av dei 16 norske spelarane kom frå eit norsk lag, Patrick Berg frå Bodø/Glimt. Elles kom to og to spelarar frå høvesvis italienske Genoa CFC, engelske Manchester City og Wolverhampton Wanderers. Ein spelar kom frå kvar av dei italienske laga Bologna og Sassuolo, engelske Brentford FC og Fulham FC, tyske Borussia Dortmund og RB Leipzig, spanske Atlético Madrid og Sevilla FC, samt skotske Rangers FC. Alexander Sørloth deltok i sin 68. landskamp, innbytaren Thelo Aasgaard i sin 6.

FC Inter med fem spelarar og SSC Napoli med tre var best representert i Italia sitt mannskap. Kapteinen Donnarumma var mest rutinert av italienarane, landskampen var hans 79.

Noregs mannskap bestod Ørjan Nyland, Julian Ryerson, Torbjørn Heggem, Kristoffer Ajer, David Wolfe, Kristian Thorstvedt, Sander Berge, Patrick Berg, Antonio Nusa, Alexander Sørloth og Erling Braut Haaland (kaptein). Frå det 64. minutt kom fyrst Morten Thorsby, deretter Oscar Bobb og Thelo Aasgaard, og til sist Leo Østigård og Jørgen Strand Larsen i spel. Ut steig Berg, Sørloth, Thorstvedt, Wolfe og Haaland.

Italia stilte med Gianluigi Donnarumma (kaptein), Giovanni Di Lorenzo, Gianluca Mazzini, Alessandro Bastoni, Federico Dimarco, Matteo Politano, Manuel Locatelli, Davide Frattesi, Mateo Retegui, Pio Esposito, Nicolò Barella. Innbytarar Bryan Cristante, Gianluca Scamacca, Mattia Zacagni, Samuele Ricci, Alessandro Buongiorno.

Kampen Pio Esposito sende Italia i føringa i det 11. minutt. Fyrst etter 64. minutt lukkast Noreg utlikne ved Antonio Nusa. To kjappe mål ved Erling Braut Haaland i det 78. og 79. minutt avgjorde kampen. Langt i overtida fastsette innbytaren Jørgen Strand Larsen sluttresultatet til 1–4, fordel Noreg.

Dermed var Noreg kvalifisert til Verdsmeisterskapen i fotball 2026 med 24 poeng av 24 moglege.

Kjelder Kampreferat i eu-football

Kategori:Det norske fotballandslaget Kategori:Fotball i 2025