Alva B. Adams-tunnelen er den viktigaste delen av det største prosjektet med å frakta vatn gjennom fjell i Colorado, Colorado-Big Thompson-prosjektet (C-BT). Tunnelen overfører vatn frå den vestlege kanten av nedslagsfeltet til Coloradoelva til fjellkjeda Front Range aust i Colorado. Han er 21,1 kilometer lang og har ein diameter på 2,97 meter. Tunnelen fell 33 meter ned langs heile lengda, og går i ei rett linje under det amerikanske vasskiljet frå vest til aust. Han går under Otis Peak i Rocky Mountain nasjonalpark. På det djupaste punktet av tunnelen er han kring 1.200 meter under overflata til fjelltoppene. Bygginga byrja 15. juni 1940, men blei sett på pause som følgje av prioriteringar under andre verdskrigen, frå slutten av 1942 til august 1943. Tunnelen blei gjennomhola 31. mars 1944, ei hending som blei kringkasta over heile USA av NBC Radio. Tunnelen blei kalla opp etter hovudforkjemparen for han, den avdøde amerikanske senatoren Alva B. Adams. Prosjektet blei seremonielt opna 23. juni 1947.

Vest for det amerikanske vasskiljet blir vatn til tunnelen pumpa inn frå Windy Gap Reservoir, Willow Creek Reservoir og andre nedslagsfelt til Coloradoelva til Granbysjøen. Frå Granbysjøen blir vatnet pumpa inn i Shadow Mountain-reservoaret og renn deretter til Grand Lake, den største naturlege vassmassen i Colorado. Derfrå renn det gjennom tunnelen. Granbysjøen er det nest største reservoaret i Colorado, med ein nominell kapasitet på 0,58 km³. Når vatnet når Front Range på austsida av Rocky Mountains, har det eit fall på nesten 0,8 på veg ned, og blir nytta til å produsera i fem kraftverk. For å få krafta frå Front Range-kraftverka tilbake til pumpane på vestsida er det montert eit vasstett nitrogenfylt røyr med ein diameter 5 tommar (13 cm) som kan føra 69 000 volt i taket av tunnelen. Krafta blir nytta til å drive pumpene på vestsida av tunnelen, medan restkrafta blir selt. Vatnet i den vestlege skråninga blir lagra på Front Range i Mary's Lake, Lake Estes, Carter Lake (alle reservoar), Flatiron Reservoir, Horsetooth Reservoir og Boulder Reservoir for kraftproduksjon eller frislepping etter snøsmeltinga på toppane frå mai til juli. 

Tunnelen kan ha ei gjennomstrøyming på . Han frakter ein gjennomsnittleg årleg total på 0,263 km³ vatn. Tunnelen kan transportera så mykje som på ein dag. Vatnet som blir flytta gjennom tunnelen er rekna som ein del av Colorado si tildeling av vatn frå Coloradoelva på per år, etter avtalen Colorado River Compact frå 1922.

Kjelder

Denne artikkelen bygger på «Alva B. Adams Tunnel» frå , den 16. mai 2026.

Kategori:Tunnelar opna i 1947 Kategori:Tunnelar i USA Kategori:Byggverk i Colorado Kategori:Vasstunnelar