Henrik Jonsson Remmen () var ein norsk gardbrukar og stortingsmann frå Romsdals amt.
Remmen var fødd i Veøy prestegjeld. I fylgje folketeljinga 1801 var han «national soldat» og budde då på Øvstedal i Tresfjord sokn av Vestnes. Noko etter kjøpte han seg gard på Remmen i Vestnes og dreiv denne.
Remmen var 3. representant frå Romsdals amt på Stortinget i 1824. Han var medlem av komiteen om handel og næringsfridom. Ved stortingsvalet 1833 var han 1. varamann og i 1836 3. varamann til Stortinget. I 1838 vart han vald til den fyrste ordføraren i Vestnes herad.
Kjelder
Lindstøl, Tallak: Stortinget og Statsraadet 1814-1914. Kristiania, 1914 Kyrkjebok for Vestnes, i Digitalarkivet
Kategori:Folk frå Vestnes Kategori:Stortingsrepresentantar 1824-1826 Kategori:Norske gardbrukarar frå 1800-talet