Letizia av Spania () er dronning av Spania sidan ektemaken Felipe blei spansk konge 19. juni 2014. Letizia er ein tidlegare spansk journalist som blei spansk kronprinsesse etter å ha gifta seg med kronprins Felipe. Paret har to barn, Leonor og Sofía.
Karriere Letizia tok mastergrad i journalistikk ved Complutense-universitetet i Madrid. Ho har arbeidd for avisene La Nueva España og ABC og nyheitsbyrået EFE. Etter studia arbeidde ho ei tid ved den meksikanske avisa Siglo XXI i Guadalajara. Då ho kom tilbake til Spania blei ho tilsett ved fjernsynskanalen Bloomberg før ho flytta til CNN+ og deretter til statlege TVE. Ho var nyheitsanker og reporter som mellom anna rapporterte frå New York like etter flyåtaket i 2001, frå Galicia etter oljeutsleppet frå tankaren «Prestige», og frå Irak etter invasjonen i 2003.
Bilde
Kategori:Spanske kongelege Kategori:Spanske journalistar