Trentels (Trentels en francés) es una comuna occitana d'Agenés, situada dins lo departament d'Òut e Garona e la region de Novèla Aquitània, ancianament d'Aquitània.

Geografia Perimètre del territòri

Toponimia Trentels. Bénédicte Boyrie-Fénié cita las fòrmas ancianas : parrochia de Terentel (sègle XIII, en occitan), parrochia de Trantello (sègle XIII, en latin), parrochia de Terentello (1271, en latin), eccl. de Terentello Agennen di., (1310, en latin), capella de Terenteli (1326, en latin), Trenteil (1360, en occitan), eccl. Sancti Christophori de Terentello (1502, en latin), eccl. Sancti Christophori de Tarentello (1518, en latin), r. de Tarentello (1520, en latin). La prononciacion es [treŋ'tel]Bénédicte Boyrie-Fénié, Dictionnaire toponymique des communes Lot et Garonne, ed. CAIRN, Pau, 2012, p. 287.

I a pas agut d'interpretacion del nom, ni per Dauzat e Rostaing, ni per Negre, ni per Astor, segon B. Boyrie-Fénié. La toponimista supausa que la finala de la fòrma de 1360 es falsa : se podiá dejà pas destriar, segon ela, entre -l e -elh (caldriá donc interpretar -eil coma una ipercorreccion). L'origina seriá lo cognomen Tarantellus e l'evolucion auriá donat Tarantellu(m) > *Trentello. -S finala seriá pas presenta dins la prononciacion [treŋ'tel], citada per Bénédicte Boyrie-Fénié, qu'escriu Trentel, pr'amor de l'evolucion istorica . Se sap çaquelà que sovent, dins l'oèst occitan, lo gentilici sense sufixe pòt far modificar lo nom : Trentel ----> *los trentels ----> Trentels. Se i a pas, o pas mai, d'èssa finala dins la prononciacion, cal escriure Trentel, coma fa (una verificacion sul terrenh seriá pas inutila). Pr'aquò, normalament, Tarantellus mena a Trentèl e pas a Trentel. I a una gens Terentilla (coneguda per la lex Terentilla, vertat es a nauta epòca, Terentilla es lo diminutiu de Terentia, a l'epòca imperiala) e caldriá puslèu corregir l'atribucion a Terentillus, coma nom del mèstre de la proprietat que venguèt Trentel. Lo resultat regular es *Trentil, mès jos l'influéncia de -l pòt passar a Trentel.

Ladinhac. Lo vilatge a una glèisa, es donc una anciana parròquia. Logicament, se deu pas tractar lo nom coma lo d'una persona qu'auriá un nom d'origina, lo del vilatge de sos aujòls, mès coma los nombroses Ladinhacs d'Occitània, que son de propietats anticas. Per Dauzat e Rostaing, Ladinhac ven del nom d'òme latin Latinius, emb lo sufixe -acumAlbert Dauzat, Charles Rostaing, Dictionnaire étymologique des Noms de Lieux en France, reedicion Librairie Guénégaud, 1984, p. 376.

Istòria La comuna foguèt absorbida abans 1806 per Pena d'Agenés. En 1839, foguèt creada a partir de Pena d'Agenés, en recebent Ladinhac, anciana parròquia, e Laval, anciana annèxa de la parròquia de Sent Anhan http://cassini.ehess.fr/cassini/fr/html/fiche.php?select_resultat=38141https://archive.org/stream/pouillhistoriq00dure#page/262/mode/2up. Sent Anhan es dins la comuna actuala de Sent Salvèstre d'Òut http://www.annuaire-mairie.fr/rue-saint-sylvestre-sur-lot.html.

Administracion

Abans la refòrma cantonala de 2014, aplicada en 2015, la comuna èra del canton de Pena d'Agenés; es ara del canton de Le Fumélois (en francés).

Demografia

comuna creada en 1839 En la populacion èra de abitants e la densitat èra de ab/km².

Luècs e monuments

Personalitats ligadas emb la comuna

Veire tanben Comunas d'Òut e Garona Ligams extèrnes

Nòtas

Categoria:Comuna d'Agenés Categoria:Comuna de Guiana Categoria:Comuna d'Òlt e Garona