right|200px|thumb|Lo cantaire e publicitari francés Richard Gotainer Richard Gotainer es un cantaire, publicitari e de còps quitament actor francés, nascut lo 30 de març de 1948 a París (França). S'a escrich la màger part dels tèxtes de sas cançons, las musicas son plan sovent de Claude Engel o mai recentament de Michaël Lapie.
Richard Gotainer comença sa vida professionala coma publicitària en 1972. D'unas de sas publicitats son vengudas celèbras en França : « Vittel : Buvez, éliminez », « Infinitif » (sul tèma de sa cançon Primitif), « Banga y'a de l'eau », « Tu baguenaudes dans les pâturages, Belle des champs », « Choco BN (Il est 4 heures…) », « On se lève tous pour Danette ! » etc.https://www.melody.tv/artiste/richard-gotainer/
Mai que sas publicitats, son sas cançons que l'an fach conéisser del public francés dins las annadas 80. Cal díser que l'estili de Richard Gotainer es unic : fa de cançonetas synthpop leugèras, quasi infantilas, a l'encòp festivas e en francés, ambe de paraulas risolièras, doncas es plan aluenhat de çò que se fasiá a l'epòca, que s'agisca de la pura synthpop reputada freja e seriosa (« coldwave »), clarament anglofila, o al nivèl dels tèxtes, de la disco-pop ambe sas tematicas epicurianas transgressivas (libertat sexuala, consomacion d'alcoòl e de drògas).
Sas cançons las mai conegudas son Le Youki, Le Sampa (tirat del film Le Maître d'école ambe Coluche, 45 torns vendut a 500 000 exemplars), Le Mambo du décalco, Primitif, Chipie o encara Femmes à lunettes fin 1988.
Discografia 1977 : Le Forgeur de tempos 1979 : Contes de traviole 1982 : Chants zazous 1987 : Vive la Gaule 1990 : Ô Vous 1992 : D'amour et d'Orage 1994 : Elle est pas belle la vie ?!? 1997 : Tendance banane 2008 : Espèce de bonobo 2018 : Saperlipopette (or not Saperlipopette)
Cançons mai conegudas Primitif (1980) Chipie (1981) Poil au tableau (1981) Le Sampa (1982) Le mambo du décalco (1982) La Ballade de l'obsédé (1983) Youpi, c’est l’été (1983) Trois vieux papis (1984) Le Youki (1984) Cafeïne (1986) La gaudriole (1987) Femmes à lunettes (1988) C'est ce soir noël (1997)
Referéncias
Categoria:Cantaire francés Categoria:Naissença en 1948 Categoria:Cantaira e cantaire dels ans 1980 Categoria:Cantaira e cantaire dels ans 1990