Ventejòl (Ventegeol, Ventejols, etc, en francés) es una anciana comuna d'Occitània, en Lemosin, situada dins lo departament de Corresa e la region de Nuòva Aquitània, ancianament de Lemosin. Fuguet achampada emb Chavaròcha en 1842.
Geografia Ventejòl èra sus l'anciana rota directa entre Maismac e Ussèl. Quela rota correspond en partida a la RD 157, aura de pauc d'importància, mas, probablament davant 1842, la rota fuguet desviada per lo nòrd (la mapa d'Estat Major mòstra Ventejòl coma una comuna e l'itinerari novèl i es dejà). Ventejòl es un simple luòc, emb quauques ostals. Ventejòl es al sud de la comuna de Chavaròcha.
Toponimia Segon Dauzat e Rostaing, los noms de quela sòrta s'explican per lo gallic vindos « blanc », o un nom de persona, e ialo « champ, esclarada »; los noms en Vent- marcan l'atraccion paronimica de vent, del latin ventum Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 699, a Vandeuil. Xavier Delamarre explica uindo per « blanc, uros » e ialon per « luòc desboijat, esclarada » e en seguda « vilatge » (per crear un novèl vilatge, desboijavan un bòsc); en gallic tardiu, ialon podiá préner lo sens de « vilatge » Xavier Delamarre, Dictionnaire de la Langue gauloise, ed. Errance, 2na edicion, 2008, p. 319 e 185. Uindo-ialon èra « lo gente (brave) vilatge, o lo vilatge de Vindos, mas, quand i a un t e pas un d, l'explicacion seriá pusleu « lo vilatge de Venetos, o ventā-iālon « esclarada sacrificiala » Xavier Delamarre, Noms de lieux celtiques de l'Europe ancienne, ed. Errance, 2012, p. 271 e 262. Sens chausir, òm pòt remarcar 1) òm passa aisadament de l'idèa de « blanc » a l'idèa de « brave »; 2) un nom Vindos, sus uindo « uros » a una vertut propiciatòria benvenguda per batejar un mainatge.
Istòria Segon la mapa de Cassini, Ventejòl èra una paròfia. Ventejòl, comuna del canton d'Ussèl, fuguet incorporada a Chavaròcha per ordenança reiala del 5 d'aost 1842 https://gallica.bnf.fr/ark:/12148/bpt6k486427z/f137.image.
Demografia
Lòcs e monuments
Veire tanben
Nòtas