Виктор Федоров Кимак (*1840 — †1900/1901, Одесса, Российска империя) — русинскый педагог, новинарь, историк русофилской ориентации.
Робота в гимназии Закончив Унгварску гимназию и богословску семинарию з найлѣпшыма нотами,Алмашій М. Cс. 115–116. але духовного званя ся зрюк. Наступив до Унгварской гимназии яко профессор истории. Историю выучовав на русском языцѣ, з курса лекций склав учебник, котрый быв выданый Обществом Св.Василия Великого под назвов Всемирная исторія в трьох томах (1868-1870).Магочій П.Р., Поп І., с. 333.
Робота в Обществѣ Св.Василия Великого Виктор Кимак быв найактивнѣйшым членом Общества Св.Василия Великого.Поп И., С. 205. В юну 1869 быв выбраный редактором новинкы Свѣтъ, его помочным редактором бы Виктор Гебей. Яко редактор змагав ся приблизити язык новинкы ку нормам литературного русского языка, публиковав творы русскых писательох. Активно продовжив линию пережых редакторох Юрия Игнаткова и Кирила Сабова на критику державного устрою и державной политикы, епископа Штефана Панковича, з чим зыскав собѣ многочисленных неприятельох.
Новинка, котра мала 500 передплатительох в найлѣпшой своей добѣ, была скритизована епископом, котрый поважовав такы публикации за шкодливы про позицию Русинох, вызвав духовенство ку бойкоту новинкы. Вызва мала за наслѣдок, же число передплатительох упало до 160 и печатаня новинкы приносило збыток.Падяк В., с. 24.
2. фебруара 1871 на засѣданю Общества Св. Василия Великого член редакции отець Николай Гомичков зажадав одступлѣня Виктора Кимака з редакторства, 21 голосом против 6 Виктор Кимак быв з поста редактора одстраненый.
Проиграный бой з властями и емиграция По одстранѣню з редакторства Свѣта Виктор Кимак продовжив нападати на епископа и державну политику зачавши в юлу 1871 редаговати и выдавати сатиричну новинку Сова. В истории новинарства Мадярского кралевства се быв уникатный случай, коли публициста систематично нападав высше церковне веджѣня.Поп И., с. 346. По первом числѣ Совы епископ домог ся од властника печатнѣ перестати з выпуском новинкы. Виктор Кимак продовжив выдавати новинку в Будапештѣ, де вышли еще четыри числа, покы новинку не заказали.Магочій П.Р., Поп І., с. 700.
Министерия школства перемѣстила Виктора Кимака до гимназии в Пейчу. Виктор Кимак намѣсто того выбрав емиграцию до России, де зыскав мѣсто професора гимназии в Санкт-Петербургу и Москвѣ. В року 1874 зо здоровельных доводох перейшов до Одессы, де учив на гимназии до конця живота.
Жерела Алмашій, Михайло. Русинська педагогічна енциклопедія. Ужгород, 2005. Ковач Ф. и др. Краєзнавчий словник русинів-українців. Пряшівщина. СРУСР. Пряшів, 1999. С. 169. Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. С. 332–333. Недзѣльскій, Евгеній. Очеркъ карпаторусской литературы. Изданіе Подкарпаторусскаго Народопросвѣтительнаго Союза въ Ужгородѣ. Ужгородъ, 1932. Сс. 182–187. Падяк, Валерій. Ужгородський тижневик «Новый Свѣтъ» (1871–1872). Анотована бібліографія матеріалів та історичний нарис. Ужгород. Видавництво В. Падяка. 2006. Поп, И. Энциклопедия Подкарпатской Руси. Ужгород: Изд-во В.Падяка, 2001.
Референции
Катеґорія:Русиньскы педаґоґы Катеґорія:Русиньскы народны дїятелї Катеґорія:Русиньскы історіци Категория:Русиньскы новинаре