Новосибирск (до р. 1926 — Ново-Николаевск) — третий подля числа обывательох и тринадцятый подля площи город России.
Административный центер Сибирского федералного округа, Новосибирской области и Новосибирского районаНовосибирскый район русс.. Вычитано 2015-07-10.; город е центром Новосибирской агломерации. Торговый, дѣловый, културный, промысловый, транспортный и научный центер федералного вызнаму.
Число обывательох — 1 637 266 особ (2025).
Полога Город лежить над Новосибирскым водоемом, вытвореным преградов Новосибирской гидроелектрарнѣ на рѣцѣ Обь. Территория города, в границях городской межѣ, чинить 502,7 км².Новосибирск: обща информация русс.
История За датум заложѣня Ново-Николаевска (стара назва Новосибирска) ся поважуе 12. май 1893, коли зачала ся выставба моста через Обь, де мала пролячи Транссибирска магистрала.Новосибирск. Железнодорожный район — Новосибирск: «Культурное наследие», 2006. — С. 28 — 30. Статус города достав в року 1903.
В часѣ домовой войны в маю 1918 город быв заятый еднотков чехословацкой легии и въедно з дакотрыма другыма городами сформовав Автономну Сибирску републику, котра продержала ся до конця рока 1919. Року 1926 достав Ново-Николаевск свою теперѣшну назву, Новосибирск.
В часѣ Другой свѣтовой войны Новосибирск став ся великым промысловым центром, куды быв евакуованый вызнамный военный промысел, и мав велику ролю в переломѣ хода войны. Напримѣр, во выробѣ нищителя Ил-16, а в далшы рокы значок Як (конштруктера Яковлева), денно ся зготовило 28–30 бойовых аеропланох, а за рокы войны выробили их понад 15 тысяч.Годы войны: Новосибирск в годы Великой Отечественной войны. Тыл. русс. В повоенный час в городѣ выробляли бойовый уран.
18. мая 1957 уряд СССР постановив организовати в Новосибирску Сибирске оддѣлѣня Академии наук СССР.Новосибирск в рр. 1945–1983 русс.
Економика Город е вызнамным промысловым центром, в промыслѣ занято понад 400 тыс. особ. Подля обсягу економики, як вызначив Mc Kinsey Global Institute, в року 2010 грубый промысловый продукт Новосибирска чинив 15 млрд. доллары (15 тыс. доллары на едного обывателя).Urban world: Mapping the economic power of cities. Вычитано 2016-07-07.
Новосибирск — единкый город Сибири, што мать метро. Фунгуе од 28. децембра 1985 и мать днесь 13 штаций и метромост через рѣку Обь, рочно перевозить около 70 тыс. пассажерох.
Подля найновшых штудий, днесь Новосибирск практично утратив промыслову шпециализацию, намѣсто того розвивать динамично сектор служб, транспорт, логистику и науку.Зубаревич Н.В. Крупные города России: лидеры и аутсайдеры // Демоскоп Weekly : журнал. — М.: НИУ ВШЭ, 2013. — № 551—552. — С. 1—17. — ISSN 1726-2887. Доступно онлайн pdf
Референции
Катеґорія:Новосибирск Катеґорія:Населены пункты России