Нова Шкоция, Nova Scotia, Nouvelle-Écosse — провинция Канады, една з трьох Побережных провинций, найвекша меджи нима подля обывательства. Главный город — Галифакс — економичный и културный центер провинции. Територия — 55 284 км², з того певнина — 53 338 км2, внуторна акватория — 1 946 км2.The Canadian Encyclopedia. Внуторна акватория складать ся з понад 3 000 озер и соток малых рѣк и потокох. Обывательство — 923 598 особ (2016).
Економика Нова Шкоция в року 2013 мала 453 800 затрудненых особ, з котрых 81% робив во сферѣ служб. Безроботя в року 2012 было 7.2%, з чим провинция умѣщать ся меджи найгоршыма.
Главным жерелом енергии зоставать властне угля. В 1970-х роках при достатку туньой нафты, перешли на ню, але то была хыба, бо цѣны нафты выростли. В року 1984 зачала давати енергию приливна електрарня в устю рѣкы Аннаполис, перва в Сѣверной Америцѣ. В сучасности енергию застачать на 59% властне угля, 21% властный газ, 18% гидроресурсы.
Языкы и етносы Подля списованя року 2006 найвекшы народностны групы суть Канадяне, Шкоты, Англичане, Иры и Французы. Межи спозначныма меншинами суть негры, Арабы и Китайцѣ, довъедна творячы 4% обывательства. Английскый язык назвали материнскым 92%, другый официалный язык, французскый, приголосили 3,6%; неофициалны языкы довъедна — 3,8%.
Жерела и одказы https://web.archive.org/web/20171224215111/http://www.thecanadianencyclopedia.com/en/article/nova-scotia/
Референции
Катеґорія:Провинции Канады