Ириней Леге́за, Legeza Irén, псевдонимы Иванъ Лоцуга, Карпатскій; (*1. апрѣль 1861, Туря Быстра, Мадярске кральовство — †8. септембра 1929, Туря Пасѣка, Подкарпатска Русь, Чехословакия) — русинскый писатель, сполоченскый дѣятель, организатор кооперации, грекокатолицкый священик. Биография Родив ся 1. апрѣля 1861 в Тури Быстрой, де его отець быв священиком. Гимназию, а пак богословску семинарию выходив в Унгварѣ. Высвяченый на священика в року 1885. Шѣсть рокы служив капланом в парохии Туря Пасѣка.
В року 1892 достав парохию Кленовой в Земплинѣ, де служив по рок 1920. Быв перворядным спѣваком, в товаришствѣ быв добрый оповѣдач и анекдотиста, и по характеру быв веселый, што позднѣйше и вызнало ся в его писанях.Лелекач Н.
В Кленовой окрем священичых повинностей занимав ся пропагандов терезвого способа живота. Коли не помагали казаня, брав в рукы палицю и выганяв парохиян з корчмы. Ородовав у грофа Баркоция, и достав землю и кредиты про валалчанох, научив их, як створити спотребне и кредитне дружство, и так за даякы рокы могли они выплатити вшиткы свои довгы.Алмаший М., Поп И. Выбудовав нову школу и фару, церковь обновив. В року 1920 вернув ся до Турьой Пасѣкы де служив яко титуларный намѣстник до смерти 8. септембра 1929.
Творба Легеза быв еден з найпродуктивнѣйшых русинскых писательох в зачатку 20. ст. Найчастѣйше публиковав свои творы в новинцѣ Наука, в ей додатку Село, в рочных алманахах-мѣсяцословах.Алмаший М., Поп И.
В найлѣпшых своих малых прозах, як психологична новела Жебрак (1913), досягать высокого литературного уровня. Окрем белетрии, выступовав в новинках регуларно з критиков хыб в школствѣ, сполочности, а в рубрицѣ Просты бесѣды з практичныма порадами ку газдовству, котры были природно вплетены в ткань простых обычайных бесѣд селян, и так невъѣстливо входили в память читателя и усвоевали ся ним. Тоты порады, дотычны модерного господарѣня «ще и теперь на стратили на цѣнѣ: свѣжы, актуалны и правдивы».
Жерела и одказы Алмаший М., Поп И.: Легеза Ириней. //Поп, И. Энциклопедия Подкарпатской Руси. Ужгород: Изд-во В.Падяка, 2001. 431 с. . Лелекачъ, Николай. Подкарпатское письменство на початку ХХ. вѣка. Литературно-наукова библіотека, ч. 37. Выданя Подкарпатского Общества Наукъ. Унгваръ, 1944. Сс., 14-18. Петрусова, Марія: Леґеза Іриней (Леґеза Иреней). //Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. . С. 395.
Референции
Катеґорія:Русиньскы писателї