Туря Быстра, Тур'я Бистра — село в Перечинском районѣ Закарпатской области Украины. Сельска рада Тур'є-Бистрянська сільська рада 89231, Закарпатська обл., Перечинський р-н, с.Тур’я Бистра, вул. Духновича, 64 тел.0245 77-5-93 Ку Турябыстрянской сельской радѣ односить ся тыж село Свалявка.
Полога Село лежить над потоком Быстрик, лѣвым притоком рѣкы Турѣ, оддалене о 30 км од районного центра и желѣзничной штации Перечин.Тронько П., с. 474.
История Село первый раз упомянуте в историчных жерелах в року 1552.
В року 1880 барон Котц зрядив в селѣ завод сухой дестилации древовины, котрый пак од него выкупила фирма Бантлин. Выроба заникла в року 1932, коли была перенесена до Перечина.Достал Я., с. 135.
В року 1910 в селѣ жили 1319 особы, з них Русины — 1122, Нѣмцѣ — 117, Мадяре — 75, грекокатоликы — 1128, израелиты — 74. По Трианонѣ село одышло Чехословакии.A történelmi Magyarország...Révai nagy lexikona, т. 18, с. 533.
В року 1930 в селѣ было 1628 обывательох, з них Русинох — 1430, Еврейох — 74, Нѣмцьох — 54, Чехох и Словакох — 40, Мадярох — 14, чужоземцьох — 16. Грекокатолицка громада: 1436 особ, камяна церква св. Василия (1825). Школы: русинска (5 клас), чешска (3 класы). Ставанка приватного автобуса.
24. октобра 1944 в село зашла Червена армада, и зачав ся украинскый период его истории. В року 1969 в селѣ жили 1725 особы. В селѣ было земледѣлске дружство (колгосп «Комсомолець»), котре диспоновало 4200 га землѣ и провадило мясо-молочне скотарство и овочинарство, была восямрочна украинска школа з конзултачным пунктом диштанчной середной школы, клуб и библиотека. Промыслова выроба: млин, столярска майстерня, гатер (пила). За повоенны рокы выставили 360 новых хыж.
Родаци зо села Василь Дѣянич (1925–1980), поет, новинарь; Ириней Легеза (1861–1929), священик и писатель; Ян Пловайко (1922–2020), полковник, носитель чешского Ордена Бѣлого лева.
Жерела и одказы Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. A történelmi Magyarország atlasza és adattára 1914 ISBN 963 85683 3 X Достал, Ярослав. Підкарпатська Русь (Закарпаття періоду Чехословацької республіки: 1919–1938). Ужгород, «Карпати», 2014. ISBN 978-966-671-374-5 Тронько П. и др. (ред.) Історія міст і сіл України. Том 7. Закарпатська область. К. 1969.
Референции
Катеґорія:Села Україны Катеґорія:Населены пункты Украины Катеґорія:Населены пункты Закарпатской области