Анонимус, — хроничарь и нотарь при дворѣ краля Бейлы (Belаe Regis Notarius), одгадноПонеже точна доба его живота незната, не мож твердити набизовно, см. Egy örök rejtély — Mikor élt és ki lehetett Anonymus? , Бейлы III. (1172-1196), в конци XII. — зачатку XIII. ст., автор лѣтописа Gesta Hungarorum — Дѣяня Мадярох. Имя автора не мож знати, але в той части хроникы, котра ся захранила, сам себе поименовав Магистер П.Révai nagy lexikona.
Дѣяня Мадярох
Хроника пише о походжѣню мадярскых племен, их приходѣ до Паннонии и здобываню отчизны, подля шпецифичного означѣня honfoglalás, в Х. ст. Gesta Hungarorum была написана, правда аж о 300 рокы по тых подѣях, о котрых пише, але историци думають, же Магистер П. выхосновав тогочасны лѣтописы, котры до нас не дошли.Магочій П.Р., Поп І.
Gesta Hungarorum — единке историчне жерело, де упоминать ся позднѣйше оспѣваный поетами и писателями князь Лаборець.Поп, И.
Оцѣньованя Суджѣня историкох о Анонимусови суть нееднозначны. Дакотры поважують его скорше поетом неж лѣтописцьом, напримѣр: австрийскый историк Eduard Robert Roesler (Rom. Studien), мадярскый Hunfalvy Pál (Ethnographia),A Pallas nagy lexikona. и российскый историк Подкарпатя Алексей Л. Петров.
Нѣмецкы историкы Theodor Mommsen и Barthold Georg Niebuhr, мадярскый Pauler Gyula поровнують штил Анонимуса з писанями Тита Ливия, котрый вецей старав ся о красоту повѣданя, неж о точне поданя жерел, зашто треба го читати барз критично. Уважуючи на вшиткы критикы, академик Marczali Henrik зазначать, же хоть Анонимуса «не можеме надале честовати як отця мадярской историографии», але не мож го ани назвати тенденциозным, ани фалшовательом.
На честь Анонимуса выставлены помникы в Будапештѣ в парку Варошлигет и в историчном сканзену Опустасер, жупа Чонград, о 20 км на сѣвер од Сегеда. В обох припадах Магистер П. зображеный на знак его анонимиты в каптурѣ и обернутый так, же сонце нигда не засвѣтить му на тварь.
Жерела и одказы Anonymus Belae Regis Notarius. // A Pallas nagy lexikona. I. kötet. Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935. Том 19, сс. 810-811. Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. . С. 12. Поп, И. Энциклопедия Подкарпатской Руси. Ужгород: Изд-во В.Падяка, 2001. 431 с. . С. 77.
См. тыж Gesta Hungarorum Князь Лаборець Свіржава
Референции
Катеґорія:Мадярскы историци