Чорного́рцѣ (самоназвов ) — южнославянский народ, основне обывательство Чорной Горы.
История Славянскы предкы Чорногорцьох переселяли ся на Балканы в 6. – 7. сторочу. Од 11. стороча мали Чорногорцѣ уже властны державны формации (Дукля, Зента, Чорна Гора). В року 1499 были анектованы Османами, але не покорены и в року 1796 з помочов России одзыскали независимость. Од року 1918 входили в розличны державны формации з иншыма южныма славянами.Кашуба М.С.: Черногорцы.
Традичне сполоченство Характернов про Чорногорцьох еще и в 19. сторочу была родо-племенна организация сполоченства. Чорна Гора дѣлила ся на 4 области (нахии), кажда з котрых ся складовала з 10 и веце племен. Племена мали розличну етногенезу, складовали ся в розличных мѣрах з бѣженцьох: Герцеговцьох, Сербох, Албанцьох. Племена дѣлили ся на братства и роды, а роды на фамилии. Племена мали свою владу, суд и военску организацию.
Од часу централизации державной влады в 20. сторочу понятя племена формално заникло, але як фиктивне продовжать жити. Народ не лишать ся доднесь того понятя, хоть бы и фиктивного, и называть племеном групу з обывательством даколи зовсѣм розличного походжѣня. По традиции и фикции члены едного племена ся поважують як бы родинов и еще донедавна не могли меджи собой вступати до манжелства.ЭСБЕ: Черногорцы.
Вызнамны особы Петар І. Петрович-Ньегош (1748–1830) — закладатель независимой державы Чорна Гора Петар ІІ. Петрович-Ньегош (1813–1851) — закладатель чорногорской литературы Евгений Вучетич (1908–1974) — монументалный совѣтскый скулптор Милован Джилас (1911–1995) — югославскый комунистичный дисидент, политичный теоретик и писатель Милла Йовович (1975) — америцка актерка и спѣвачка
Жерела и одказы Кашуба М.С.: Черногорцы. //Народы и религии мира: Энциклопедия / Гл. ред. В. А. Тишков, Редкол.: О. Ю. Артемова, С. А. Арутюнов, А. Н. Кожановский и др. — М.: Большая Российская энциклопедия, 1999. - 928 с: ил. Сс. 617–618. Черногорцы. //Большая российская энциклопедия (онлайн) ЭСБЕ: Черногорцы. //Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907. Сс. 626–630. Доступне онлайн RTCG: Širom svijeta pola miliona Crnogoraca //Radio i Televizija Crne Gore Одчитане 30-06-2019 Census2011: Census of Population, Households and Dwellings in Montenegro 2011 // MONTENEGRO STATISTICAL OFFICE (pdf) Одчитане 30-06-2019
Референции
Катеґорія:Народы і етніка Катеґорія:Славяне