Августин Штефан ; * 25. мая 1877, Ботар, Мадярске кральовство – † 2. августа 1944, Рахово, Мадярске кральовство — правник, державный урядник, политичный дѣятель русинской народной ориентации на Подкарпатской Руси.Іван Поп: Штефан Аґоштон; Иван Поп: Штефан Августин (Агоштон).
Живот и карьера Штудии и фахова роботаУчив ся в гимназиях Сигета и Сату Маре, фах правника зыскав на универзитах Будапешта и Коложвара. В штудентскых роках став ся пересвѣдченым мадярскым патриотом. Быв членом Мадярской партии Ардяла (Erdélyi Magyar Párt) и Сполку мадярскых новинарьох (Magyar Újságírók Szövetsége).А. Штефан в каталогу Литературного музея Петефи. В Раховѣ од року 1903 выдавав мадярскоязычну новинку Tiszavölgy (Раховщина), а од року 1905 зачав приватну адвокатску практику. Урядництво в Руськой КрайнѣПо створѣню Первой мадярской републикы кабинет Мигаля Карольи активно зачав з проектом русинской автономии, уже 10. децембра 1918 в Будапештѣ зачали ся конзултации з русинскыма представителями и Штефан быв предсѣдником того конзултачного «зъѣзда». Понеже занимав он лоялну позицию ку проекту Руськой Крайны и мав довѣру од влады, быв менованый на пост губернатора (kormányzó), безпосредно подрядженый министрови Руськой Крайны в Будапештѣ Орестови Сабову.Пушкаш А., сс. 30–32. По комунистичном переворотѣ на змѣну кабинетови Карольи приходить Людовый комисариат Бейлы Куна, 21. марца 1919 Орест Сабов одмѣтуе прияти пост Людового комисаря Руськой Крайны, а 24. марца 1919 на тоту понуку приставать Августин Штефан.Ruszka Krajna a Magyar Katolikus Lexikonban. Губернаторскы повинности лишать на Йосифа Каминского, бывшого секретаря Ореста Сабова, и пробуе демократично урядовати в Руськой Крайни.Marosi Anita: Kárpátalja anno: Ruszka Krajna. Августин Штефан не принимав комунистичны идеи, усиловав ся покласти конець той владѣ в Руськой Крайни. Апрѣльова хроника 1919Едным зо своих первых рѣшѣнь установив державну платню духовным особам. Еще 12. марца 1919 в Мукачовѣ было перве засѣданя сойма Руськой Крайны, выбраного на выберанках 4. марца, циже до комунистичного переворота. Штефан хотѣв захранити тот выбраный народом сойм и по комунистичном переворотѣ.Пушкаш А., с. 58. 8. апрѣля 1919 было друге засѣданя сойма Руськой Крайны, котрый переформатовали в Совѣт Руськой Крайны и на его чолѣ поклали Ореста Сабова. 9. апрѣля Штефан росказав зачати формованя Русинской Червеной Гарды, жебы было кому охранити и реализовати его политичны рѣшѣня. Але часу на то уже не было. 17. апрѣля в Мукачовѣ зобрало ся третье засѣданя Совѣта Руськой Крайны (бывшого сойма), оно стало ся и послѣдным, бо его участникы были розогнаны озброеным мукачовськым директориумом (револучным комитетом). 22. апрѣля в Мукачовѣ стала ся антикомунистична збура и директориум быв збавленый влады. По пару днях збурцѣ были арештованы; Людовый комисарь Руськой крайны Штефан выступив на их обрану и усиловав ся их выбавити од кары.Пушкаш А., с. 59. 29. апрѣля 1919 чешске и румынске войска зышли ся на линии Мукачово–Берегово, завершивши окупацию Руськой Крайны и добу совѣтской влады, котра продержала ся ту лем 40 днѣ.Пушкаш А., с. 53. Августин Штефан укрыв ся до Польщи и вернув ся лем а року 1925.
Карьера в чехословацкой добѣ В року 1920 быв едным зо закладательох Руськой аграрной партии.Politické strany, 1861-1938. (Kol. aut.) Brno: Doplněk, 2005. S. 961. В роках 1925–1929 быв выбраный за посланця до пражского сойму (Národní shromáždění republiky Československé) и быв активный в комитетѣ социалной политикы и здоровництва.Augustin Štefan. Poslanecká sněmovna Parlamentu České republiky Доступне онлайн
Погляд на русинскый язык В року 1937 Августин Штефан быв участником дискузии о напрямѣ вывоя русинского языка и обстойовав розвой языка, основаный на мѣстной шпецифицѣ.
Жерела и одказы Володимир Кубійович. Енциклопедія українознавства : Словникова частина, том 10. Наукове товариство імені Шевченка ; гол. ред. проф., д-р Володимир Кубійович. — Париж ; Нью-Йорк : Молоде життя, 1984. С. 3896. Иван Поп: Штефан Августин (Агоштон). //Поп, И. Энциклопедия Подкарпатской Руси. Ужгород: Изд-во В.Падяка, 2001. 431 с. С. 414. Іван Поп: Штефан Аґоштон. // Магочій П.Р., Поп І. (уклад.) Енциклопедія історії та культури карпатських русинів. — Ужгород: Вид-во В.Падяка, 2010. — 856 c.+ХХХІІ с. Сс. 824–825. Пушкаш, Андрей. Цивилизация или варварство. Закарпатье 1918–1945. Институт славяноведения РАН. Москва. Издательство «Европа». 2006. А. Штефан в каталогу Литературного музея Петефи Доступне онлайн Antonín Hartl; K jazykovým sporům na Podkarpatské Rusi. // Slovo a slovesnost. Ústav pro jazyk český Akademie věd ČR Доступне онлайн Ruszka Krajna a Magyar Katolikus Lexikonban Marosi Anita: Kárpátalja anno: Ruszka Krajna
Референции
Катеґорія:Державны урядници Катеґорія:Русиньскы політіци Катеґорія:Русиньскы правници Катеґорія:Посланцьове парламента