Централна Руська Народна Рада () — политична организация подкарпатскых Русинох (Пряшов – Ужгород – Хуст), створена про легитимне рѣшѣня повоенного штатного зряджѣня Подкарпатской Руси по Первой свѣтовой войнѣ.Поп И., Энциклопедия Подкарпатской Руси, с. 396.
Створѣня представницкого органа 28. октобра 1918 Америцка народна рада Угро-Русинох од имени подкарпатскых Русинох подписала з чехословацкым емигрантскым политиком, будучым президентом Т. Г. Масариком договор о прилучѣню русинскых земель ку будучой Чехословакии.Магочій П.Р., Поп І. (уклад.) Енциклопедія історії та культури карпатських русинів. Сс. 10-11. Тот договор але потребовав схвалѣня официалныма сповномочненыма представителями Подкарпатской Руси. Такым представительом наконець стала ся Централна Руська Народна Рада.
Як свѣдчить рапорт чехословацкого амбасадора в Будапештѣ Милана Годжѣ з дня 19. децембра 1918, первым такым органом выступила Свалявска русинска рада, од котрой делегация 22 Русинох на челѣ з Михайлом Комарницкым подала му писомный меморандум, котрым жадала прилучѣня Подкарпатской Руси «з географичных и економичных причин найлѣпше ку Чехословакии». Хоть в меморандѣ говорила од имени Русинох Унга, Берега, Угочѣ и Марамороша, такого мандата не мала. 1. януара 1919 Годжа стрѣчав ся и зоз секретарьом промадярской Ужгородской народной рады А. Волошином. Волошин на словах просив о прилучѣня ку Чехословакии, але писомно тото не хотѣв подати, до того часу, покы чехословацке войско не окупуе Ужгород (рапорт Годжѣ з дня 3. януара 1919).Магочій, Павло Роберт, с. 60.
Централна Руська Народна Рада (ЦРНР) была створена в Ужгородѣ 8. мая 1919 злучѣньом трьох найавторитетнѣйшых подкарпатскых народных рад: Пряшовской, Ужгородской и Хустской.Віднянський С. В. Окрем делегованых членох рад з мандатом, подля дакотрых свѣдчѣнь было до 1200 участных, котры подтримали рѣшѣня о прилучѣню ку Чехословакии, хоть документалного подтверджѣня тому не е.Роман И.Пушкаш А., с. 54. В тот истый день в Парижу Рада министрох загранича рѣшала вопрос о Подкарпатськой Руси и таксамо подтримала без сомнѣву чехословацкый вариант. В Парижу Годжа оперовав меморандумом Комарницкого, понеже Волошина поважовав за опортуниста. Засѣдала ЦРНР в будинку жупаната, од америцкых Русинох взяв слово и Г. Жаткович.
Роздвоѣня организации Хоть главне рѣшѣня было приняте уже 8. мая, новостворена рада засѣдала до 16. мая 1919.Магочій, Павло Роберт, с. 119. Дебатовали о статусѣ Подкарпатской Руси и границях. На дакотры посты, котры мали быти по плану Прагы, не могли никого выбрати, а тоты, што посты не достали, стали ся загорѣлыма противниками официалной политикы и критиками влады. В лѣтѣ 1919 ЦРНР збирала ся еще даколько разы, але внуторны конфликты не удало ся перемочи. В резултатѣ на зъѣздѣ 8. октобра 1919 организация роздѣлила ся на двѣ секции, русофилску и украинофилску, котры фунговали поокреме. Украинофилы аж змѣнили назву своей секции и своих противникох прозывали московитами, чужыма агитаторами и болшевиками.Мушинка М. Лем в августѣ 1936 настало примирѣня, коли зачали роботу над новым проектом автономии края (принятый 21. новембра 1936).
Заник ЦРНР Обѣ фракции, котры фунговали поокреме, еще раз ся злучили, коли ся зачала криза чехословацкой штатности (29. май 1938) в интересѣ веджѣня догварянь з Прагов о автономии Подкарпатской Руси и ей владѣ. Догваряня ся закончили успѣхом лем по Мниховѣ (11. новембер 1938), а зоз тым организация практично вычерпала свою функцию. Функции украинской секции перебрало Украинске националне объеднаня (УНО).Кубійович В., том 10, с. 3654. Функции русофилской секции продовжила Центральная Русская Народная Рада (ЦРНР, Хуст).
Жерела и одказы Віднянський С. В.: Центральна Руська Народна Рада //Енциклопедія історії України : у 10 т. / редкол.: В. А. Смолій (голова) та ін. ; Інститут історії України НАН України. — К.: Наукова думка, 2013. — Т. 10 : Т — Я. — С. 458. — . Сс. 458–459. Одчитане 2020-09-19 Кубійович В. (ред.): Центральна Руська Народна Рада //Енциклопедія українознавства : Словникова частина : [в 11 т.] / Наукове товариство імені Шевченка ; гол. ред. проф., д-р Володимир Кубійович. — Париж – Нью-Йорк: Молоде життя, 1984. Магочій, Павло Роберт. Формування національної самосвідомості: Підкарпатська Русь /1848–1948/. Поличка "Карпатського Краю" №3-6 (18). Ужгород. 1994. ISSN 0869–0782. Магочій П.Р., Поп І. (уклад.) Енциклопедія історії та культури карпатських русинів. Вид-во В.Падяка. Ужгород, 2010. — 856 c.+ХХХІІ с. .
Поп, И. Энциклопедия Подкарпатской Руси. Ужгород: Изд-во В.Падяка, 2001. 431 с. Пушкаш, Андрей. Цивилизация или варварство. Закарпатье 1918–1945. Институт славяноведения РАН. Москва. Издательство «Европа». 2006.
Референции
Катеґорія:История Подкарпатской Руси Катеґорія:Организации в Чехословакии