Тивадар Легоцкый, Lehoczky Tivadar , *5. октобер 1830, Фиуме, Австро-Мадярщина – †25. новембер 1915,Révai nagy lexikona, т. 21, с. 548. Мукачово, Австро-Мадярщина — правник, историк, етнограф, археолог, фолклориста, закладатель археологии и музейництва Подкарпатя.Йосип КобальSzinnyei JózsefПавленко Г. В.
Биография Тивадар Легоцкый ся родив 5. октобра 1830 в селѣ Фужине недалеко тогдышнього австро-мадярского ядранского пристава Фиуме (днесь Риека в Хорватии), де його отець, Янош Легоцкый, мав роботу державного лѣсничого урядника. По смерти отця в року 1837 вернули ся до родиска матери, Готтиер Анны в Осады, окрес Ружомберок. В Ружомберку закончив школу и пиаристичну гимназию, пак курз филозофии в Рожнявѣ. В року 1847 зачав учити ся на Кошицкой академии права, але штудии перервала му револуция. Брав участь в револуции яко вояк в артилерии (1848–1849). В року 1851 Тивадар Легоцкый закончив Кошицку академию и зыскав диплому правника. В року 1855 оселив ся в Мукачовѣ. В року 1863 склав адвокатскый испыт, а од року 1865 став на службу правника в маетку грофох Шенборн, де служив да самой пензии. Умер 25. новембра 1915. Погребеный в мукачовской католицкой церкви св. Мартина.
Творба Легоцкый быв автором понад десятка монографий, меджи котрыма суть и многотомны, и понад 300 научных статей. Его найважнѣйшов роботов ся поважуе тритомна Beregvármegye monographiája (Монография жупы Берег). 1864 Magyar-orosz népdalok. Sárospatak. Угроруськы народны спѣванкы 1868 Tót népdalok. Pest. Словацкы народны спѣванкы 1876 Bereg vármegye leírása I. Budapest. Опис жупы Берег 1876 Magyar-orosz közmondások. Online Угроруськы пословицѣ 1881/1882 Beregvármegye monographiája. Ungvár Монография жупы Берег 1892 Adatok hazánk archaeologiájához, különös tekintettel Bereg vármegyére és környékére I. - Az őskortól a magyarok bejöveteléig. Munkács (ism. 1893: Századok, Archaeologiai Értesítő, Élet). Online Податкы ку археологии нашой отчизны, наймя жупы Берег и околицѣ — од правѣку до прихода Мадярох 1897 Germánok emlékei Munkácsnál. Слѣды германскых племен под Мукачовом 1899 Beregmegye és a munkácsi vár 1848-1849-ben. Munkács. Жупа Берег и замок Мункач 1904 A beregmegyei görögszertartású katholikus lelkészségek története a XIX. század végéig. Munkács. История грекокатолицкого клера жупы Берег до конця XIX. стороча 1907 Munkács város új monografiája. Нова монография Мукачова 1912 A munkácsi vár rövid története. Курта история мукачовского замка A szolyvai hun sír. Arch. Ért. III, 201-206. Гунске погребиско в Свалявѣ Kézirata: Beregvármegye leírása új adatok alapján. Рукопис: Опис жупы Берег подля новых фактох
Музейництво
Тивадар Легоцкый быв основательом музейництва в Подкарпатю. На основѣ его приватной колекции артефактох в року 1920 в Мукачовѣ отворили музей, котрый в року 1929 достав статус державного з назвов Земскый музей имени Легоцкого.Révai nagy lexikona, т. 21, с. 548.
Хоть быв лем аматерскый историк и археолог, але досяг вызнамных резултатох и быв вызнаный в ученых кругах, участник многых научных конференций и выставок. Быв выбраный членом научно-сполоченскых организаций: Историчне товаришство Мадярщины (член управы); Комитет памятникох Мадярщины; Товаришство Кишфалуди (член-закладатель); Мадярске археологичне и антропологичне товаришство; Товаришство гералдикы, генеалогии и народопису Мадярщины (член управы); Тисафюредскый археологичный сполок (честный член).
Интересны факты Род Легоцкых походить з Леготкы (позднѣйша назва Мале Раково, днесь часть Ракова, Жилинскый край) и е познатый в историчных жерелах од добы краля Бейлы IV.Révai nagy lexikona, т. 12, с. 605. В Ужгородѣ имя Легоцкого несе една з улиць и Закарпатскый краеписный музей. В Береговѣ од року 1999 чинный Изгледовный центер сполоченскых наук имени Тивадара Легоцкого, куртов назвов Инштитут Легоцкого.
Жерела и одказы Павленко Г. В. Діячі історії, науки і культури Закарпаття. Малий енциклопедичний словник. Ужгород, 1999. Сс. 105–106.
Петро Медвідь. Тівадар Легоцькый – основатель підкарпатьской археолоґії
Референции
Катеґорія:Мадярскы археологы Катеґорія:Мадярскы етнографы Катеґорія:Мадярскы музеологы Катеґорія:Пиаристичны штуденты