Мето́дий Трохано́вскый, *5. май 1885, Билцарева, Лемковина – †15. фебруар 1948, Вроцлав, Польща — лемковскый учитель и сполоченскый дѣятель.Демко ТрохановскійAcademy of Rusyn Culture – Новинкы 21/2015
Биография Методий Трохановскый уродив ся 5. мая 1885 в Билцаревой на Лемковинѣ. По скончѣню учительской семинарии в Короснѣ, учительовав в селѣ Угрин. В року 1913 оженив ся з Констанцийов Дуркот, дѣвков вызнамного русинского дѣятеля, грекокатолицкого священика, о. Йоана Дуркота.Богдан Горбаль.
Яко член и активиста русофилскых организаций быв 4. августа 1914, при зачатку войны арештованый и в числѣ еще иншых шестерох активистох засудженый на смерть за «русофилску пропаганду и провокованя бунта» и высланый до интерначного лагра Талергоф. В яри 1917 император Карл I. Габсбург амнестовав засудженых на смерть и замѣнив им кару на доживотный арешт. По роспадѣ Австро-Мадярской империи вернув ся на Лемковину и быв активным участником руху за Лемковску републику Флоринкы. Пропаговав лемковскый диалект як учебный язык, створьованя лемковскых финанчных кооперативох, домогав ся, жебы Лемкы мали свого посланця в парламентѣ, быв сполузакладательом Лемко-Союза (1933).
Своев активностьов зыскав собѣ в очох польской влады репутацию «руського фанатика», и влада ся од року 1936 зачала одвертати од подпорованя лемковского школства, посылаючи там на учительскы мѣста Полякох. В року 1938 влада заказала хоснованя букваря Трохановского в школах, а нич не помогли ани протесты и депутации до Варшавы.Bohdan Horbal.
По нацистичной окупации Польщи окупачна влада, котра, як то было и в часѣ Первой свѣтовой войны практиковала антирусинскы репресии, зачала арешты подля списку, поданого украинскыма дѣятелями. В том списку быв и Методий Трохановскый, а быв арештованый в день зачатку войны з СССР, 21. юна 1941 а до конця нѣмецкой окупации быв интернованый. В року 1944 по приходѣ Червеной армады быв зась арештованый, тот раз органами НКВД. Наступно быв высланый з родинов до Вроцлава, де онедовго, 15. фебруара 1948, умер.
Публикации Буквар. Перша книжечка для народных школ — Львов, 1935. Читанка. Друга книжечка для народных школ — 1936.
Жерела и одказы Богдан Горбаль: Трохановский Методій // Сс. 747–748.
Референции
Катеґорія:Русиньскы народны дїятелї Катеґорія:Русиньскы педаґоґы Катеґорія:Посланцьове парламента Катеґорія:Русофилы Катеґорія:Лемкы Катеґорія:Персоналии 20. стороча