Рудолф Ерих Распе, Rudolf Erich Raspe, *28. марец 1736, земля Ганновер, днесь Нижня Саксония – † 16. новембер 1794, Макросс при Килларни, грофство Керри, Ирландия — ученый, библиотекарь, писатель, автор книгы о пригодах барона Мюнхаузена.
Биография и творба Дома Учив ся на универзитах в Геттингену и Лайпцигу природны наукы и филологию. Публиковав статьи на темы археологии, геологии, минералогии и литературы. В року 1764 выдав латинскоязычны роботы Готтфрида Вилгелма Лайбница В року 1766 появив свой роман Гермин и Гунилда, еден з первых рыцарскых романох. Быв первый в Германии, кто представив литературному сполоченству Поемы Оссиана. В року 1767 став ся професором Карловой универзиты а заразом хранительом антикварной и нумизматичной колекции в Касселу, котра была властностьов мѣстного ландгрофа.Макаров А.Ottův slovník naučnýЭнциклопедический словарь Брокгауза и Ефрона
В року 1769 зыскав членство в Геттингенской академии наук и Лондонском кральовском обществѣ. Але в року 1775, коли обокрав колекцию грофа и перед арештом утѣк до Лондона, быв з общества 7. децембра 1775 за швинглерство выгнаный.Rudolf Erich Raspe
На утѣку В роках 1781 – 1783 по нѣмецкы вышли первы истории барона Мюнхаузена, Vademecum für lustige Leute (Порадник про веселу челядь), котры Распе опрацовав и в року 1785 анонимно выдав в Лондонѣ под титулом Baron Munchausen’s Narrative of His Marvellous Travels and Campaigns in Russia (Росповѣдь барона Мюнхаузена о його чудесных путованях и пригодах в России). Зыскавшу успѣх анонимну книжку уже в року 1786, а пак зась в року 1788 выдав по нѣмецкы в значно доповненом обсягу Готтфрид Август Бюргер, и якраз тот вариант став ся частьов свѣтовой литературы. Реалне авторство первого варианта одкрыв аж в року 1847 Гайнрих Деринг (Heinrich Döring) в його биографии Бюргера. Тымчасом Распе замѣшав ся до далшых швынгльох з горництвом в Шкоции и в року 1791 утѣк до Ирландии, де о три рокы умер.ModernLib.Net
Жерела и одказы Ottův slovník naučný. Illustrovaná encyklopaedie obecných vědomostí. Díl 21. Vyd. J. Otto. V Praze, 1904. Str. 303. Макаров А.: Распе, Рудольф Еріх //Зарубіжні письменники. Енциклопедичний словник. Ред. Михальська Н., Щавурський Б. — Тернопіль: Богдан, 2006 Сс. 406–408. Распе, Рудольф-Эрих // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907. Одчитане 2020-05-22
Референции
Катеґорія:Англоязычны писателе Катеґорія:Німецкоязычны писателе Катеґорія:Приповѣдкарѣ