Лайпцигска универзита, Universität Leipzig — една з найстаршых и найпопуларнѣйшых универзит Германии.
История Универзита была отворена 2. децембра 1409 спочатку лем яко умѣлецка факулта (по часѣ филозофска). Стало ся то в часѣ гуситскых беспорядкох на Карловой универзитѣ, наслѣдком котрых около тысячи професорох и штудентох перебрали ся до Лайпцигу а продовжовали там науку. До конця стороча универзита ся росширила до четырьох факулт: филозофска, медицинска, правнича и теологична. В року 1543 ку высшой школѣ прилучив ся доминиканскый монастырь, а в року 1545 Мартин Лутер высвятив монастырску церкву при универзитѣ. В добѣ нацизма число штудентох упало зоз 7350 в року 1932 до 1560 в року 1939, а при англо-америцкых бомбардованях (1943–1945) были знищены 60% универзитных будов. В року 1946 универзита ся обродила и стала ся ведучов высоков школов ГДР, в роках 1953–1991 несла имя Карла Маркса.
Выдавательство В року 1682 Лайпцигска универзита зачала выдавати первый в Германии научный журнал Acta Eruditorum.
Вызнамны особы Меджи штудентами Лайпцигской универзиты было велике число вызнамных особ, напримѣр: Готтфрид Вилгелм Лайбниц (1646–1716) Александр Радищев (1742–1802) Йоганн Волфганг Гете (1749–1832) Рихард Вагнер (1813–1883) Фридрих Ницше (1844–1900)
Жерела и одказы Матвеева А. Г. ЛЕЙПЦИГСКИЙ УНИВЕРСИТЕТ // Большая российская энциклопедия. Том 17. Москва, 2010. C. 186 Одчитане: 25.05.2020
Референции
Катеґорія:Высокы школы Германии