Кингстон, Kingston — главный и найвекшый город Ямайкы, пристав на Карибском мори.Соловьёв Д. В.
Полога и клима Лежить на юговостоку острова Ямайка, од моря охраненый узкым пѣсковым полуостровом Палисейдос, котрый ся вывинув на рекреачну и туристичну зону.Encyclopædia Britannica Клима тропична. Каждорочно в августѣ – октобрѣ на Кингстон вывалить ся ураган (еден з найгоршых быв ураган Гилберт в року 1988.
История Основаный в року 1692, в року 1703 став ся комерчным центром,, в року 1872 — политичным центром, главным городом. В року 1923 сам од себе невеликый Кингстон злучив ся з округом Сент Ендрю, а нынѣ в агломерации (Kingston and St. Andrew Corporation, курто KSAC) жие веце як четвертина обывательства цѣлого островного штату, 662 426 особ (2011).
Економика Морскый пристав вывозить переважно рум, цукор, етанол, каву, бананы. Накладовый оборот около 18 млн. тон; чинны суть два контайнеровы терминалы — сѣверный и южный, довъедна 2,2 млн. контайнерох TEU (2007). Пристав мать статус вольной економичной зоны од року 1976. Меджинародне летиско Норман-Манли на полуостровѣ Палисейдос в року 2007 мало 1,73 млн. пасажерох. Найвеце обывательох заняты в службах (туристичны и готеловы, банковы, логистика). Промысловы конарѣ: переробка ропы (з Мексика и Венезуелы), выроба етанола з цукровой тростины, пива, цигар и рума.
Интересны факты Кингстон не мать поштовый код, але подѣленый на 20 поштовых зон (Kingston 1... Kingston 20).https://www.quora.com/What-is-the-postal-code-for-Kingston-Jamaica В адресѣ треба зазначовати Jamaica W.I. (циже West Indies), жебы пошта то не послала до Jamaica, New York.
Жерела и одказы Соловьёв Д. В. КИНГСТОН // Большая российская энциклопедия. Том 13. Москва, 2009, стр. 693 Оправене: 2016; Одчитане: 2020-05-30
Референции
Катеґорія:Населены пункты Ямайкы Катеґорія:Головны міста