Сентиментализм, од sentiment чувство, умѣлецкый пруд в европской и америцкой литературе и умѣню в другой половцѣ XVIII. – зачатку XIX. стороча. Одмѣтуючи рационализм добы Просвѣтенства, сентиментализм чинив доминантов «людской природы» не розум, але чувство, и путь ку идеалной и взорной особности гледав через выслободжѣня и вышлайфованя «природных» чувств, одты векшый демократизм сентиментализма и усилованя указати богатый духовный свѣт простого чоловѣка.Білоус П.Гром'як Р. Т., Ковалів Ю. І., Теремко В. І.
Характерны авторы Представителе: Велика Британия — С. Ричардсон (Памела, або одмѣнена цнота, 1740), Франция — Ж. Ж. Руссо (Юлия, або Нова Елоиза, 1761) и писатели Бурѣ и натиску (найрадикалнѣйшый выяв демократичных тенденций сентиментализма) Германия — Й. В. Гете (Трапоты молодого Вертера, 1774), в России — А. Радищев (Путованя из Петербурга до Москвы, 1790), Н. Карамзин (Небога Лиза, 1792).Николюкин А. Н.
Зачав пруд сентиментализму роман Сентименталне путованя Франциов ай Италов (1768) англицкого писателя Лоренса Стерна (1713—1768. Во XVIII. сторочу «сентименталне путованя» означало, же путник мав доста часу на роздумы и выяв своих чувств. Роман Стерна описуе вандрованя и росповѣдѣ головной поставы, Йорика, повны широкой гамы доймох, выволаных перипетиями путованя. Розповѣдь Йорика, на роздѣл од попередной литературной традиции — класицистичной ушорености и рационалной рецепции реалиты — приносить химерну мѣшанку интересных историй, фигльох, быстроумности, наплыва чувств и доймох, обдиву и погорчѣня, и живых рефлексий з увидженого.
Сентиментализм на Западѣ и Востоку Наперек тому, же сентиментализм выник на Западѣ, там литературна критика не звыкла го означовати як окремый пруд, лем говорить о сентименталном романѣ, драмѣ, поезии, циже о сентименталности як категории, котра може быти властива умѣлецкым творам розличных епох и жанрох. В Россию сентиментализм прийшов через великый вплыв западных сентименталных романох и традично ся означав за окремый пруд.
В украинской литературѣ жерелом сентиментализма была не европска литература, а передо вшиткым украинскый фолклор з елегичныма и сиротскыма мотивами. Инерция сентиментализму зато ся ту потягла аж до XX. стороча и стала ся нещастным компонентом так званой неповноцѣнной «малороссийщины», против котрой выступили Иван Франко, Леся Украинка и представителе украинской литературы новой добы.
Жерела и одказы Білоус П.: Сентименталізм. //Білоус П. В.: Вступ до літературознавства: навч. посіб. — Київ: ВЦ «Академія», 2011. — 336 с. — — сс. 261–262. Гром'як Р. Т., Ковалів Ю. І., Теремко В. І. (ред.): Літературознавчий словник-довідник. — Київ: ВЦ «Академія», 2007. — 752 с — — сс. 618–619. Николюкин А. Н. (ред.): Литературная энциклопедия терминов и понятий — Институт научной информации по общественным наукам — Москва: НПК «Интелвак», 2001 Сс. 960–964.
Референции
Катеґорія:Умелецькы напрямы Катеґорія:Литературны термины