Ме́чет ( поклон до землѣ) — могамеданскый храм, сакралный объект ислама.Révai nagy lexikonaАцамба Ф. М., Кириллина С. А.
Джами Мечеты суть двох типох: джами всезбераючый, masdžid džami مسجد جامع, циже главный мечет, котрый в каждой комунитѣ годен быти лем еден, де вшиткы ся зберають на пятничну молитву, и обычайный мечет, котрых в комунитѣ годно быти вецей.Encyclopædia Britannica Джами и звонку параднѣйшы од обычайных мечетох, аналогиов джами в христианствѣ може быти катедралный храм.
Архитектура Шпецифична подоба мечета ся сформовала ку концьови VIII. стороча и обсягуе такы архитектурны елементы: минарет — турня, зоз котрой муезин проволуе призыв ку молитвѣ, званый азан, пять раз на день; миграб — склепѣтна ниша в стѣнѣ, обернута в сторону Меккы (кибла); напротив миграба занимать позицию имам, котрый провадить службу; минбар — казателниця про хатиба (проповѣдника); умѣщена на праву рук од миграба; мѣсто ритуалного змываня з текучов водов, котре годно быти ай окреме од мечета.
Внутро мечета не мать жадны парады (окрем цитатох из Корана), статуи и образы, застелено покровцями. Входячый мусить окончити ритуалне змываня и перед входом ся ззути.
Функции Мечет обычайно служить и яко школа, библиотека, мѣсто сполоченскых сходин и т. п. На роздѣл од церкви, в мечети ся не окончують ритуалы и службы, споены з женитвов и роджѣньом, ани такы обряды як сповѣдь, покаяня, мированя.
Жерела и одказы Révai nagy lexikona. 13. köt. Révai Testvérek Irodalmi Intézet Részvénytársaság, Budapest. 1915. С. 523 Ацамба Ф. М., Кириллина С. А.: Мечеть //Энциклопедия религий / Под ред. А.П. Забияко, А.Н. Красникова, Е.С. Элбакян. — М.: Академический Проект, Гаудеамус, 2008. — 1520 с. ( Академический Проект) ( Гаудеамус) Сс. 806–807.
Референции
Категория:Мечеты