Александр Николаевич Радищев, *31. август 1749, Москва, Россия – †24. септембер 1802, Санкт-Петербург, Россия — русскый прозаик, поет, филозоф-материалист, зачинатель револучных традиций в русской литературѣ.Кудрицкий А.В. и др.Aleksandr Nikolayevich Radishchev.
Биография Штудии Походив зоз немешской родины. До 12-рочного вѣку достав добре домашне образованя (1757–1762). Быв выбраный императрицьов на пажа и школованый в Пажеском корпусѣ в Санкт-Петербургу (1763–1766). В Лайпцигу штудовав право (1766–1771). По штудиях яко правник быв державным урядником на мытници ай инде. Невѣтана книга Под вплывом идей Жан-Жака Руссо написав свою найславнѣйшу роботу, Путованя из Петербурга до Москвы (Путешествие из Петербурга в Москву, 1790), в котрой, в образках зоз свого представляного путованя, описуе вшелиякы примѣры несправедливости, подлости и бруталности, котрых быв свѣдком. Хоть книга была заскаржѣньом подданства, самодержавия и цензуры, Радищев важив на то, же просвѣтить Катарину Велику, котра, як гадав, не знать за тото вшитко. Але книжка появила ся в невгодном часѣ, о рок по Французской револуции, и быв нараз арештованый и засудженый на смерть. Россудок быв пак помягченый на 10 рокы высланя на Сибирию. Книга зоставала аж до року 1905 заказана и ширила ся в России тайно.Большой энциклопедический словарь. Конець живота В року 1797 было му дозволено вернути ся з высланя, а в року 1801 император Александер I. одпустив му вину и прияв го на державну службу. В роках 1801–1802 Радищев занимав ся реформованьом легислативы и во своих проектах юридичных реформ зась выступил за скасованя подданства. Грозба новых репресий привела го ку самогубству.
Жерела и одказы Большой энциклопедический словарь. Главный редактор А. М. Прохоров — Москва: Советская энциклопедия, 1993. — 1630 с. С. 1096. Кудрицкий А.В. и др. (ред.): Украинский советский энциклопедический словарь в трех томах. / Главная редакция Украинской Советской Энциклопедии им. М.П. Бажана. К., 1988. Том 3. С. 34.
Референции
Катеґорія:Російскы писателї Катеґорія:Русскоязычны писателе