Ружомберок, Ružomberok, Rosenberg, Rózsahegy — окресне мѣсто на Липтовѣ в Жилинском краю Словакии, на сутоку Вага з Ревуцов.Mesto Ružomberok
Полога Ружомберок, центер долного Липтова, лежить в западной части Липтовской котрлины на межи горскых пасем Велика Фатра, Хочскы верхы и Низкы Татры. Ту иде желѣзнична линия Жилина – Кошицѣ, од Жилины оддаленый о 62 км на выход.
История Перва документална упоминка походить з року 1233, мѣстскы привилегии зыскав в року 1314 од естергомского архибискупа Томаша, а в року 1340 краль Кароль Роберт их потвердив и росширив, и дав статус кральовского вольного вароша. Успѣшный розвой в том статусѣ зопер в року1390 краль Жигмонд, котрый оддав Ружомберок Ликавскому панству. Одтогды Ружомберок сторочами вюг споры з Ликавскым панством. Але, вдякы выгодному положѣню и наперек тым спорам, вывинув ся на торгово-ремеселный центер региона.
Економика Уже на зачатку XX. стороча Ружомберок мав вывинутый текстилный промысел, целулозно-папѣрьовый, горнчарный и книгопечатный цѣлословацкого вызнаму.Ottův_slovník_naučný В социалистичной добѣ окреме просперовав бавовнярскый комбинат (BZVIL – Bavlnárske závody Vladimíra Iljiča Lenina), де мали роботу понад 5000 роботникох, а их выробкы были познаты по цѣлой Выходной Европѣ и СССР. По року 1989 комбинат быв приватизованый и скрахованый. З бывшого промыслу доднесь пережила целулозно-папѣрьова фабрика Mondi SCP a. s. (даколишны Severoslovenské celulózky a papierne, закладены в року 1880), котра давать роботу про 1500 людей и спонзоруе ФК Ружомберок.
Обывательство
Жерела и одказы Ružomberk //Ottův slovník naučný. Dvacátýdruhý díl. Praha: J. Otto, 1904. S. 387 Dostupné online
Референции
Категория:Населены пункты Словакии