Андре́ Брето́н, André Breton; *19. фебруар 1896, Теншбре, Франция — †28. септембер 1966, Париж) — французскый писатель и поет, закладатель надреализма.Encyclopædia Britannica
Биография Походив з родины комерсанта. Учив ся на Инштитутѣ психологии и хирургии в Парижу, але не докончив штудии.Гальцова Е. Д. Яко штудент медицины в року 1914 мобилизованый до войска. В рокы войны зблизив ся з Г. Аполлинером. Захваченый фройдизмом, Бретон зчасти на его основѣ выпрацовав теорию надреализма.Ильинская О. И. В року 1927 вступив до комунистичной партии, але в року 1935 быв выказаный за подтримку троцкизма, при том ся дале зостав при марксистичных поглядах.
Перед окупациев Франции нацистами утѣк до США (1940), вернув ся року 1946. Быв участником лѣворадикалных рухох, в року 1960 подписав Манифест 121 против колониализма.
Творба Теория надреализмаВ року 1920 в коавторствѣ з Филиппом Супо опубликовав Магнетичны поля (Les Champs magnétiques), написаны надреалистичнов техников автоматичного писаня. В роках редаговав надреалистичны часописы, написав Манифест надреализма (Manifeste du surréalisme, 1924), Другый манифест надреализма (Second manifeste du surréalisme, 1930), чим став ся ведучым теоретиком надреализма.
Умѣлецка проза и поезияУмѣлецкы дѣла Бретона — его прозы Надя (Nadja, 1928), Збѣсна любовь (L’amour fou, 1937) и вершы Вольный союзок (L’union libre, 1931), Сива пиштоля (Le revolver à cheveux blancs, 1932) и др. — одповѣдно з его теориев суть мѣшанков реалиты з образами хворой фантазии.
Повойнова творбаПо войнѣ Бретон перевыдав заказану в року 1941 Антологию чорного гумора (Anthologie de l'humour noir, 1940–50). В его повойновой поезии змоцнѣли филозофичны и окултны тоны: Ода Шарлю Фурье (Ode á Charles Fourier, 1947), Знак здвигу (Signe ascendant, 1949) и др. Публикуе тыж генерализуючы теоретичны книгы: Надреализм и малярство (Le surrealisme et la peinture,1928–65), Чародѣйне умѣня (L'art magique, 1957, в коавторствѣ з Ж. Леграном).
Жерела и одказы Гальцова Е. Д. Бретон // Большая российская энциклопедия. Том 4. Москва, 2006, с. 198 Верзия:2016 Одчитане: 09.09.2020 Ильинская О. И. Бретон // Краткая литературная энциклопедия / Гл. ред. А. А. Сурков. — М.: Сов. энцикл., 1962–1978. Т. 1: Аарне – Гаврилов. — 1962. — Сс. 733–734. Одчитане: 09.09.2020
Референции
Категория:Французскы поеты Категория:Французскы писателе Катеґорія:Надреализм