Пико, Ilha do Pico Илла ду Пику — остров, середной групы архипелага Азоры в Атлантичном океанѣ, автономный регион Португалии. Остров мать плоху 447 км², обывательство 14 806 особ (2001). Найвысша точка — Пико (вулкан), 2351 м н. м. Остров е 42 км довгый, и 15 км широкый.Azores: Pico
География
Доминантов острова, 24 км довгого и 15,2 км широкого, е заспалый вулкан Пико. Зоз своев вышков 2351 м н. м. е найвысшов точков цѣлого архипелага Азоры.
Остров належить ку середньой групѣ архипелага въедно з островами Сао Жорже на сѣверовыходѣ (пролив 15 км) и Файал на западѣ (пролив 7 км). Клима субтропична з высоков вогкостьов.Encyclopædia Britannica
История Первы осадници на остров пришли в року 1460 из Португалии и занимали ся скотарством. Наступно зачала ся и земледѣлска продукция (переважно пшениця, менше техничны културы на фарбникы), винарство и рыболов. В року 1723 найвекша осада острова, Мадалена, достала статус города. Тутешне вино Вердельо ишло на експорт до Великой Британии, Америкы и России. Од конця XVIII. стороча островане, научены прибывшыма Америчанами, занимали ся кытоловом, што было важным жерелом их богатства.
Економика Од року 1980 кытолов перестав. В сучасности основу економикы чинить туристика, лодярство и винарство. Дакотры значкы тутешных вин идуть на продаж в материковой Португалии и суть експортованы за границѣ. Винницѣ и култура винарства острова од року 2004 суть записаны до свѣтовой дѣдовизны .Landscape of the Pico Island Vineyard Culture
Жерела и одказы
Референции
Категория:Азоры Категория:Островы Атлантичного океану Категория:Островы Португалии