Александер Стойка, *16. октобер 1890, Карачин, Жупа Угоча, Мадярске кральовство — †31. май 1943, Ужгород, Мадярске кральовство — Епископ Мукачовскый (од 3. мая 1932 по 31. мая 1943), русинскый сполоченскый дѣятель.Поп (2001), сс. 353–354.Поп (2010), сс. 715–716.
Биография ШколыУчив ся в мѣстной церковной школѣ, де учителѣ скоро стямили наданого хлопця и так го рекомендовали дати до гимназии. По закончѣню Унгварской гимназии зачав богословску выуку в Унгварской духовной семинарии (1910–1912), одкы яко найлѣпшого семинаристу го епархиална Конзистория послала на теологичну факулту Будапештской универзиты, днесь Католицка универзита Петра Пазманя, котру абсолвовав за три рокы (1912–1915).Névadónk. Священича карьера17. децембра 1916 быв в Унгварѣ, неженатый, рукоположеный на грекокатолицького священика.Bishop Alexander Stojka Уже од року 1915 служив архивариусом епархии, а по высвячѣню — секретарьом канцеларии мукачовскых епископох Антония Паппа и Петра Гебея.Кубійович В., том 8, с. 3062. Достав тыж вецей новых функций: епископского речника, ритуалмайстра и редактора новинок. Его карьера была успѣшна: ку тым повинностям была на него звѣрена функция Апостолского нотаря, од року 1921 став ся папскым капланом и апостолскым радником, од року 1930 каноником епархиалной капитулы и директором епископской канцеларии, неодовго заступником епископа, од року 1931 — капитуларным викарьом. Корунов его карьеры было менованя на функцию епископа (3. мая 1932) и высвячѣня в Ужгородѣ, 12. юла 1932, котре прияв з рук Павла Петра Гойдича. В той функции служив 11 рокы, до упокоѣня 31. мая 1943. Умер од розрыва сердця и быв погребеный на теметовѣ при замку.Павленко Г. В., сс. 162–163.
Епископска служба В часѣ свого епископства рукоположив 158 священикох, выставив 67 новых церков и много храмох одрештавровав. Оживив духовный живот, побывав майже в каждой парохии, основав часописы Душпастырь и Добрый пастырь. По его смерти з оглядом на военный час Папа не меновав нового епископа, а од 6. януара 1944 повѣрив Миклоша Дудаша, епископа гайдудорожского, функциев апостолского администратора Мукачовской грекокатолицкой епархии.Magyar Katolikus Lexikon.
Сполоченска чинность Епископ Александер Стойка быв талантованый казатель, добрѣ розумѣв ся до литературы и финанцовав новинку Недѣля, котра выдавала ся чисто русинсков людовов бесѣдов и держала ся прорусинской и прочехословацкой ориентации. Русинофилска ориентация в културѣ, котра была перед тым найслабша, в часѣ его епископства зачала ся ясно проявляти.Magocsi, Paul Robert, s. 267.
Быв познатый своев харитативнов чинностьов. Выпрацовав програмы помочи худобным и зберав на то грошѣ по цѣлой републицѣ. Една з такых програм была Великодна акция, котра застачила бѣлу паску про кажду худобну родину. Отворив интернаты Конвикт и Алумнеум про дѣтей-сирот зоз священичых родин ай интернат про женску учительску семинарию в Ужгородѣ. Александер Стойка быв тыж познатый як меценаш, котрый давав заказкы русинскым малярям як Адалберт Ерделий, Йосиф Бокшай ци Александер Грабарь.Петро Медвідь Быв наремный збератель, его колекция образох, книг и рукописох была найвекша в краю, але по ликвидации Грекокатолицкой Церкви комунистичным режимом была тота колекция конфишкована. Книгы свѣтскы пошли до универзитной библиотекы, часть инкунабул — до московскых библиотек, а книгы богословскы и чуджоязычны — до макулатуры, рукописы — до мѣстного музею, образы — до новой областной галерии, при чому часть из них, не знати як, «пропала».Rusínske kalendárium.
Од 1. юла 1939 быв менованый посланцьом верхньой палаты мадярского парламента, де въедно з посланцями нижньой палаты Андрейом Бродийом, Михаилом Демком, Стефаном Фенциком усиловали ся о автономию краю, але не успѣли.
Културна ориентация Быв прихылник русинской ориентации, але робив вшитко можне, жебы оминути конфронтацию меджи розличныма културныма напрямами. Коли мадярска влада чинила лапачкы на руську молодежь украинофилской ориентации, арешты тай интернованя в лаграх, епископ указав себе як правдивый патриот. Наслѣдком его интервенованя были выпущены на волю понад 200 штуденты, часть из котрых з его помочов достала дозвол ай завершити свои штудии.
Напротив, в осени 1938, коли по вѣденьском арбитражи не одышов з Ужгорода, через его лоялность ку мадярской владѣ и културѣ проукраинскы василиане в Святой столици жадали его одстранѣня, Александер Стойка хотѣв быв резигновати, але вмѣшала ся мадярска влада, и так не стало ся.
Честь памяти В Карачинѣ имя Александра Стойкы несе грекокатолицкый лицей, отвореный в року 2003.KARÁCSFALVAI SZTOJKA SÁNDOR GÖRÖGKATOLIKUS LÍCEUM
Жерела и одказы Magocsi, Paul Robert. Chrbtom k horam. Dejiny Karpatskej Rusi a karpatských Rusínov. UNIVERSUM. Prešov, 2016. Володимир Кубійович (ред.): Енциклопедія українознавства. У 10 т. — Париж; Нью-Йорк: Молоде Життя, 1954—1989. Павленко Г. В. Діячі історії, науки і культури Закарпаття. Малий енциклопедичний словник. Ужгород, 1999. Поп, Иван. Энциклопедия Подкарпатской Руси. — Ужгород: Изд-во В.Падяка, 2001. — 431 с. Іван Поп: Стойка Олександр (Стойка Александер) //
Референции
Катеґорія:Русиньскы єпіскопы Катеґорія:Грекокатолицкы епископы Катеґорія:Посланцьове парламента