Недѣля — тыждньова русинска политично-сполоченско-литературна новинка, котра выходила в Ужгородѣ в роках 1935–1941. Од року 1939, по роспадѣ Чехословакии и обновлѣню юрисдикции Мадярского кральовства, выходила под модификованыма назвами (Нова недѣля, Карпатска недѣля).Капраль М., Поп І.
Взник Взник Недѣлѣ зыйшов ся в часѣ з поворотом Прагы од подпорованя русской и украинской емиграции в краю ку вызнаню русинского напряму як единственого прочехословацкого, что дав знати министер загранича Едвард Бенеш в часѣ своей навщѣвы Ужгорода в маю 1934.Иван Поп.
Характер новинкы Позиция новинкы в том часѣ збѣгала ся з новов политиков чехословацкой влады в Подкарпатской Руси. Редакция выступала ай против украинского иредентизму, ай против российского панславизму:
Редакция и авторы новинкы достали од опонентох назывку недѣляшѣ. Новинка пропаговала такый погляд, же Русины уже суть окремов народностнов ентитов через «историко-правны и културны условия», а мають ся тым гордити.
Новинка по роспадѣ Чехословакии Коли в новембрѣ 1938 Перва вѣденьска арбитража передала южны округы Подкарпатской Руси, Берегово, Мукачово, Ужгород назад до Мадярского кральовства, Недѣля перестала выходити. Она ся обродила в януарѣ 1939 под назвов Нова недѣля як непартийный политико-литературный тыжденник. Редактором быв Александер Илницкый, але тыж практично редаговали новинку Тивадар Ортутай и Александер Немет. Одповѣдно новой политичной ситуации, новинка выступовала за автономию Русинох в мадярской державѣ и остро критизовала владу Карпатской Украины в Хустѣ аж до ей паду (15. марца 1939). Послѣдне число вышло 22.октобра 1939, а довъедна Нова недѣля мала 32 числа. Надале по рок 1941 выходила под назвов Карпатска недѣля як «орган мадярско-руського братерства».
Жерела и одказы Михайло Капраль, Іван Поп: Недѣля // С. 535. Иван Поп: Недѣля (Ужгород, 1935–1939) //Поп, Иван. Энциклопедия Подкарпатской Руси. — Ужгород: Изд-во В.Падяка, 2001. — 431 с. С. 273.
Референции
Катеґорія:Русинскы новинкы