Дими́трий Вака́ров (, Иза, Подкарпатска Русь, Чехословакия – , концентрак Нацвайлер, Третий райх) — подкарпатскый русскоязычный поет.Хланта І. В.
Биография ШтудииДимитрий Вакаров походив з православной родины малоземелного селянина в селѣ Иза Хустского округа, де великый вплыв мали комунисты (на парламентскых выберанках року 1925 достали 50%). Тыж в том селѣ в роках 1920–1930 учителями народной школы были переважно российскы бѣлоемигранты. То они рекомендовали тринадцятьрочного хлопчиска до Хустской гимназии а од року 1936 за взорову успѣшность — до Пражской русской гимназии, де ся учив до окупации Чех гитлеровсков Германиев. Од року 1939 продовжив науку в Хустѣ, де русскый язык и литературу учив професор Петро Линтур, котрый провадив про гимназистох литературный кружок и в року 1941 выдав зберьку творох участникох кружка зоз символичнов назвов Будет день, де ся появили и поетичны пробы Димитрия Вакарова. Жебы не быв мобилизованый до мадярского войска, Вакаров ся записав на высокошколскы штудии и од септембра 1941 штудовав славянску и класичну филологию на Будапештской универзитѣ.Сенько І.
АрештВ марцу 1944 за участь в илегалном антифашистичном руху быв арештованый и умѣщеный до мараморош-сигетского криминалу, а 17–18. апрѣля 1941 закрытым судом в Сигетѣ засудженый на доживотя. Одты быв перекладеный до етапного арешту в Новом Мѣстѣ под Шатром, де пробыв три мѣсяцѣ, а в новембрѣ 1944 мадярска влада передала вшиткых политичных арештантох в рукы гитлеровцям. Так ся достав до концентрачного лагра Дахау, 24. новембра 1944 до лагра Нацвайлер, в марцу 1945 до команды Даутмерген (город Шимберг), де быв немилосердно збитый дозорцьом и 7. марца 1945 умер.
Творба Творба Димитрия Вакарова припадать на рокы 1939–1944. Його поезия повна надѣй на месианство од Выходу.Поп І.
В досовѣтской добѣ опубликованы 67 вершы в подкарпатской периодицѣ: в новинках Карпаторусскій Голосъ — 56, Русское слово — 7, Русская правда — 1, в Литературном альманаху — 2, в зберьцѣ Будет день — 1. В Календарю на 1941 год — фолклорно-етнографичны Зимние рассказы и Опыри. Под первов публикациев стоить датум , под послѣднов — .
В роках Вакарова «объявили» совѣтскы комунистичны пропагаторы и створили образ мученика, однявши так можность объективной анализы його творбы. Публикации совѣтской добы спозначно одредагованы и социално заострены совѣтскыма поетами и были хоснованы на пропаганду.Мишанич О. В. (2005) Публикации совѣтской добы Избранные стихи (1955) Вибрані поезії (1957, переклав Д. Павличко) Избранное (1963, 1970) Я навіки прийшов у життя (1975, важны факты, споминкы приятельох и знакомых ) Удар за ударом (1980) Сочинения (1986) Композитор з Пермского края России Г. Лукиных, котрый написав на вершы поета три лиричны романсы: Гитара (Будапешт, септ. 1942), Звезды и очи (Иза, апр. 1940) и Люблю гулять в глухих местах… (Прага, май 1939) — поважуе Д. Вакарова за «передовшиткым талентованого лиричного поета», «закарпатского Есенина», з котрого «чисто з политичных мотивох посмертно чинили такого але револучного бунтаря».Геннадий Лукиных, 141, 143.
Честь памяти В року 1961 Д. Вакарова посмертно прияли до Сполку писательох Украины. В Изѣ отворили мемориалный музей Д. Вакарова. В року 1967 в Хустѣ при гимназии, де ся учив Д. Вакаров, а в року 1983 в Изѣ поставили памятникы поетови. Його имя несе областна дѣточа библиотека в Ужгородѣ и литературный сполок, улицѣ в населеных пунктах области. В року 1966 основана областна литературна награда имени Д. Вакарова.
Жерела и одказы Гаврилюк Л. О.: Вакаров Дмитро Онуфрійович // Енциклопедія історії України: Т. 1: А-В / Редкол.: В. А. Смолій (голова) та ін. НАН України. Інститут історії України. — К.: В-во "Наукова думка", 2003. С. 427 Одчитане: 2020-10-31 Геннадий Лукиных: «Закарпатский Есенин» звучит на пермской земле //Русин 2007 №1(7) Сс. 139–144 Одчитане: 2020-10-31 Мишанич О. В. (1984) (упор.) На Верховині. Збірник творів письменників дорадянського Закарпаття. — Ужгород: Ордена Дружби народів Видавництво «Карпати», 1984 Сс. 482–493; 512
Іван Поп: Вакаров Дмитро (Вакаров Димитрий) // С. 76 Іван Сенько: Творчість Д. Вакарова і І. Ірлявського в часовому вимірі //Науковий вісник Ужгородського університету. Серія: Філологія. Випуск 1 (33) 2015. Сс. 48–52 Формат: pdf. Одчитане: 2020-10-31 Хланта І. В.: Вакаров Дмитро Онуфрійович // С. 63
Референции
Катеґорія:Русиньскы поеты Катеґорія:Русскоязычны поеты