Кларк Гейбл, Clark Gable, в повности William Clark Gable, , Кадиз, Огайо, США — , Лос Анджелес, Калифорния, США — америцкый филмовый актер. За час своей филмовой карьеры заграв в понад 60 филмах и достав престижного Оскара за лѣпшу мужску роль во филмѣ Стало ся раз вночи (1935).Разлогов К. Э. Быв за 30 рокы отѣлеснѣньом америцкого идеала мужества и мужской силы, а за свою безмѣрну популарность быв титулованый «Краль Голливуда».Encyclopædia Britannica
Биография Ранны рокы и карьера Отець Кларка быв роботник на ропных полях и часто мѣняв локацию, а мати умерла, коли дѣтвак быв 10-мѣсячный. Выростав в Огайо, и лишив школу, коли мав 16 рокы. Перепробовав вельо робот, аж яко 20-рочный пустив ся до актерства в шатровых театрах. Коли быв в Орегонѣ, взяла го под протекцию скушена актерка Жозефина Диллон, котра заплатила дентиста, жебы му выправив зубы, научила го тримати поставу и справнѣ говорити. Гейбл, 17 рокы од ней молодшый, оженив ся з нев в року 1924 и зачав доставати невеликы ролѣ. Первый великый успѣх пришов, коли заграв главну роль в бродвейском спектаклу Машинал (1928). В наступных роках його гру увидѣли режисеры Metro-Goldwyn-Mayer и быв покликаный до филмового актерства, де уже в року 1931 став ся звѣздов Голливуда в ролях силного мужа и разом женского угодника. В року 1934 зато, же Гейбл не прияв роль, вызначену му од Metro-Goldwyn-Mayer, за кару го «позычили» другорядному в том часѣ штудию Columbia Pictures, де заграв во филмѣ Стало ся раз вночи (1934). Тота кара наконець стала ся його величезным успѣхом, бо филм в року 1935 достав нараз пять Оскарох в категориях: лѣпшый филм, лѣпша актерка, лѣпшый режисер, лѣпшый сценарий и лѣпший актер (Гейбл). Приватный животInternet Broadway Database + Сопружество з Зачаток Конець Причина 1 Жозефина Диллон 1924-12-13 1930-04-01 розвод 2 Мария Франклин 1931-07-19 1939-03-04 розвод 3 Керол Ломбард 1939-03-29 1942-01-16 ей смерть 4 Силвия Ешли 1949-12-20 1952-04+21 розвод 5 Кей Виллиамс 1955-07-11 1960-11-16 його смерть
Лем третье и пяте сопружества были основаны на правдивых симпатиях и щастливы. Керол Ломбард загынула в авиакатастрофѣ. По ей смерти Кларк Гейбл лишив ся актерства и наступив до Воздушных сил США як шоровый вояк. Быв посланый на офицерске школованя, зыскав шаржу подпоручника и од януара 1943 быв участником войны яко хвостовый стрѣлець. В маю 1944 повышеный до шаржи майора, в юлу опустив войско з поводу вѣку. В року 1945 вернув ся до Голливуду и заграв в пропагандном филмѣ Боююча Америка. Кей Виллиамс взяв з двома дѣтми и старав ся о них. Их желанный сын, Джон, уродив ся уже по смерти Кларка Гейбла. Кей Виллиамс нигда ся вецей не оддала, посвятила ся троим своим дѣтям и поуживала статус Панѣ Гейбл до смерти (1983). Сам Гейбл умер на сердцьовый напад, причинов котрого быв тромб.
История живота Гейбла стала ся легендов Голливуда и основов филма Гейбл и Ломбард (1976).
Жерела и одказы Разлогов К. Э. ГЕЙБЛ //Большая российская энциклопедия. Том 6. Москва, 2006, стр. 487–488 Верзия:2016. Одчитане: 10.11.2020
Референции
Катеґорія:Филмовы артисты Катеґорія:Артисты театра Катеґорія:Персоналії подля алфавіту