Еден фон Горват, родж. Edmund Josef von Horváth, *, Мадярске кральовство〈теперь Риека, Хорватия〉– †, Франция — австромадярскый драматик и прозаик, котрый писав под псевдонимом Ödön von Horváth, еден з первых антифашистичных писательох в Германии.Ödön von Horváth alkotói adatlapjaSzinnyei JózsefEncyclopedia Britannica
Биография Быв старшым сыном мадярского немеша, австромадярского дипломата и его нѣмецкой жены Марии Гермины (родж. Прегнал, 1882–1959). Дѣточы рокы перебыв в мѣстах, де служив отець му — в Београдѣ, Будапештѣ, Братиславѣ, Вѣдню и Мюнхенѣ, а учив ся во школах мадярскых ай нѣмецкых. В конци войны бывав у свого уйка во Вѣдню, де в року 1919 склав матуру. Родичѣ подпоровали его охоту стати ся писательом, але аж в року 1933 быв годен жыти зо своей литературной творбы. В роках 1924–1933 жив в Залцбургу, Берлинѣ и Мурнау (Бавария), а по приходѣ национал-социалистох вернув ся до Вѣдня, одкы по нацистичной инвазии в року 1938 емигровав до Парижа. Ту в часѣ бурѣ 1. юна 1938 забив го одломленый конарь, што упав з дерева.Курта биография ку театровой програмѣ
Творба Его первы гры указують запаленость ку людовой културѣ и политичной истории Германии (Revolte auf Côte 3018, 1927 〈Повстаня на котѣ 3018〉Die Bergbahn, 1929 〈Горска желѣзниця〉), але неодовго переростать она в неспокой перед наростаючов габов фашизма и упадком моралности, котрый ку тому приспѣвав. Его найважнѣйшы гры о самодоволных маломѣщанах и недыбавых, але успѣшных нацистах: Italienische Nacht, 1930 〈Талиянска ночь〉и Geschichten aus dem Wiener Wald, 1930 〈Повѣдкы из Вѣденьского лѣса〉принесли му великый успѣх и награду Клайста в року 1931.
Интересны факты В року 1933 националсоциалисты зачали преслѣдовати своих противникох. 10 мая публично спалили понад 20 тысяч книг «нежаданых» авторох, Еден фон Горват быв шиканованый в пресѣ, его гра Glaube, Liebe, Hoffnung (Ein Totentanz), 1932 〈Вѣра, любовь, надѣя (Малый танець смерти)〉была выказана зо вшиткых сцен Германии. Многы писателѣ утѣкали до загранича, зачало ся и его утѣканя по Европѣ. В тых тяжкых часох многы глядали утѣшѣня и надѣю у ворожок. В Амстердамѣ еден ясновидець му повѣв лем тото: «Мусите ити до Парижу, и то нараз. Там на Вас чекать рѣшаючый поворот живота!» Еден фон Горват быв глубоко захваченый тыма словами, бо лем даколько дны перед тым достав писмо од голивудского режисера Роберта Сьодмака, же любив бы нафилмовати его роман Jugend ohne Gott, 1937 〈Молодежь без Бога〉та ци не могли бы они обговорити тото подробно в Парижу? Фон Горват быв скептичный: уже вельо режисеры перед тым давали му пусту надѣю, а нич з того. Их встрѣча мала ся одбыти 1. юна 1938. Фон Горват быв тот день нервозный и неспокойный, од рана быв на ногах, обходив вшиткых своих приятельох, котры там жили, але нигде ся не задержав надовше. В тот день в Парижу была читава буря, и пророцтво ся справдило, але рѣшаючов подѣев стала ся смерть писателя, забитого одломленым конарьом з дерева.
Жерела и одказы
Референции
Категория:Драматици Категория:Німецкоязычны писателе Катеґорія:Мадярскы писателе