Реализм, realis реалный, сущный, правый, в контекстѣ литературы — тип умѣлецкой творбы, основаный на представлѣню о литературѣ як способѣ познаня и постигнутя людской особности и натуры, основаный на правдивом зображованю реалности.Білоус П., с. 326.
Принципы Видячи роль литературы в познаню чоловѣком себе и свѣта, реализм ся снажить выявити смысел животных явох, широко обняти реалность з ей противностями, вызнавать право писателя сягнути до вшиткых сторон живота без ограничѣня тем и сюжетох. Реализм указуе взаемодѣю чоловѣка з окружѣньом, вплыв сполоченскых условий на судьбы окремых люди и цѣлых сполоченскых груп и версти, вплыв социалных обстоянь на моралность и духовный свѣт люди, и наопак. Утверджуючи цѣнность моралных гледань, реалистична литература сповнять важну социално-воспитуючу роль. Реализм видить живот в розвою, указуе не лем его устояны формы, но и выявлять и фиксуе в образах взник новых форм живота и социалных односин, новых психологичных и сполоченскых типох.Аникст А. А., Мотылева Т. Л., Брагинский И. С.
Вывой Реализм в литературѣ став ся ведучым напрямом в XIX. ст., (прийшов на змѣну романтизму), а дають ся ту окреслити розличны историчны етапы его вывоя: информативный реализм, критичный реализм, социалистичный реализм. В каждой историчной добѣ и у каждого писателя в основѣ были даякы идейно-сполоченскы аспекты живота и в даякой мѣрѣ идеологична и политична улога.Білоус П., с. 264–265.
Але в соцреализмѣ уже доминує абсолутизация принципа реализма на основѣ марксо-ленинскых догматох, погляд з класовых, позаумѣлецкых позиций, протиставлѣня его иншым, «буржоазным» тенденциям.Ковалів Ю. І.сс. 305–307.
См. тыж Социалистичный реализм
Жерела и одказы
Білоус П.: Термінологічний словник. //Білоус П. В.: Вступ до літературознавства: навч. посіб. — Київ: ВЦ «Академія», 2011. — 336 с. — — сс. 316-330. Літературознавча енциклопедія / y двох томах / Авт.-уклад. Ю. І. Ковалів. — К: ВЦ «Академія», 2007. (Енциклопедія ерудита). Том 2 — 624 с.
Референции
Катеґорія:Литературны термины Катеґорія:Литературны жанры Катеґорія:Умелецькы напрямы