Хуа́н Рамо́н Химе́нес Мантеко́н, Juan Ramón Jiménez Mantecón; 23. децембер 1881, Могер, Андалузия, Испания — †29. май 1958, Сан Хуан, Порторико) — испанскый поет, еден з лѣпшых испаноязычных лирикох. Нобеловый лавреат з литературы в року 1956 «за лиричну поезию, взор высокого духа и умѣлецкой чистоты в испанской поезии».Encyclopedia BritannicaNobel PrizeХорева Л. Г.Штейн А.
Живот Хуан Рамон Хименес достав образованя в йезуитской интернатной школѣ, пак штудовав право в Севильи, но штудии не закончив. Хименес быв поетом, литературным критиком и редактором литературного часописа. В року 1917 побрав ся зоз Зенобиев Кампруби, поетков и перекладательков. По зачатку домовой войны лишив Испанию, пару рокы быв на Кубѣ, пак в Споеных Штатох и, наконець, осадив ся в Порторико, де працовав як професор испанской литературы на Универзитѣ Порторико.
В часѣ испанской домовой войны стояв на сторонѣ републиканскых сил. В Америцѣ достав популарность своев прозовов роботов Платеро и я (Platero у уо, 1917), историев чоловѣка и его ослика. Ту Хименес зображать свой живот в родном Могерѣ. Платеро, стрѣберный — ослик, на якому поет вандруе, его приятель и побратим. Книга, што мать подтитулок Андалузска елегия, идеализує патриархалный сельскый живот, протиставленый крутостям цивилизации.
Творба Дебутовав поетичнов зберьков Фиаловы душы (Almas de violeta», 1900), котра, як и далша, Нимфы (Ninfeas, 1900), указуе вплыв французского символизма. Рафинована мелодика стиха, меланхоличны интонации, тонкы фолклорны штилизации, вытончены образы характерны про зберькы поезий, вручены темам природы, любови, смерти: Смутны поспѣвкы (Arias tristes, 1903), Далекы загороды (Jardines Iejanos, 1904), Пасторали (Pastorales, 1911), Меланхолия (MeIancolia, 1912), Елегии (Elejias, , ) идр. В далшой творбѣ обертать ся ку гледаню «чистой поетичной сущности», вникать до внуторного свѣта чоловѣка, до душы и мистичных скушености, пише переважно верлибром: Духовны сонеты (Sonetos espirituales, 1917), Диарь поета-новоженця (Diario de un poeta recién casado, 1917), Вѣчности (Eternidades, 1918), Красота (Belleza, 1923), поемы Простор (Espacio, 1954) идр. Тоты исты знакы несе и лирична проза Xименеса — зберькы новел Платеро и я (Platero у уо, 1914, конечна верзия 1917), Звѣрь зоз глубины душы (Animal de fondo, 1949), а тыж критичны есеи Безконечный поток (La corriente infinita, 1961) идр. Хименес тыж автор поетичных перекладох (в том числѣ англицкых романтикох). Творчость Xименеса зробила значный вплыв на вывой испанской и латино-америцкой поезии. Жерела и одказы
Референции
Категория:Поеты Испании Категория:Писателе Испании Катеґорія:Нобеловы лавреаты з литературы Катеґорія:Испаноязычны писателе Катеґорія:Писателе 20. стороча