Риека, Rijeka, Fiume, Sankt Veit am Flaum, Vitopolis, Flumen — третий найвекшый город (по Загребѣ и Сплитѣ) и главный пристав Хорватии, културный центер западного региона, положеный на березѣ Ядранского моря в Приморско-горанской жупѣ.Encyclopedia Britannica
Полога Город положеный на узкой ровнинѣ меджи Юлийскыми Алпами и Ядраном, ширячи ся горѣ убочами и по насыпныж зонах на березѣ моря. Меджинародне летиско Риека — на островѣ Крк.Лобанов М. М.
История Од XV. стороча належала Габсбургам. В року 1717 достала статус вольного приставу. В року 1776 прилучена ку хорватскым землям як части Мадярского кральовства, а в року1779 як самоуправна часть кральовства (corpus separatum). В роках 1797, 1805 захвачена французскым войском, в роках 1809–1813 входила в Иллирийскы провинции. В року 1848 назад передана ку хорватскым землям, по австро-мадярской догодѣ 1867 де-факто прилучена ку мадярскым землям. В року 1873 споена желѣзницьов з Будапештом. По роспадѣ Австро-Мадярщины (1918) была объектом дипломатичного боя и належала пятьом розличным штатам: Фиумскый вольный штат (1920–1924), Италия (1924–1942), Третий райх (1943–1945), Югославия (1945–1991), Хорватия (од 1991).
Газдовство Морскый пристав Риека покрывать значну часть торгового перевоза держав Середньой Европы . Роповод «Адрия» (до Мадярщины) застачать ропов Риекску рафинерию (4,5 млн. тон сырой ропы рочно, найвекшу в Хорватии). Петрохемична фабрика DINA (на полиетилен, полистирол и др.). Традичны конарѣ промысла: лодярство (лодярня «3. Maj»: танкеры, хемовозы, контайнеровозы, морскы траекты) и оправа (лодярня «Viktor Lenac»). Продукция шифного обладунку. Фармацевтичный, деревообробный, потравиновый промысел (в том числѣ виноробство и переробка продуктох моря), одѣвный промысел и выроба ставебных материалох. В околицях Риекы — популарны морскы купелѣ.
Жерела и одказы
Референции
Катеґорія:Населены пункты Хорватии