Ка́лман Ми́ксат, Mikszáth Kálmán, *16. януар 1847, Склабоня — †28. май 1910, Будапешт — познатый мадярскый писатель, новинарь, автор романох, повѣдань и есейох.Encyclopedia BritannicaГусев Ю. П.Умнякова Е. В.Kenyeres Ágnes
Биография Походив з дробнонемешской родины, отець му мав даколько голды ораницѣ, ай быв тыж арендаш сельской корчмы и гентешства, так будучый писатель од малости выростав меджи простым людом. По матурѣ на евангелицкой гимназии в Банской Щавници (1866) учив ся на правника на Будапештской универзитѣ (1866–1869, не скончив) и од року 1871 став на службу помочником солгабирова Матяша Маукса в Балашшадярматѣ, з котрого дѣвков, Илонов, против волѣ своих родительох ся оженив в юлу року 1873, а неодовго ся молоды перенесли до Будапешту, де ладив жити з писательства. Жили в нуждѣ, бѣдовали, наконець Илона похворѣла ся, лишила го и одышла до своих родительох. Рокы были розведены, аж коли солвентность Калмана Миксата ся ушорила, 31. децембра 1882, побрали ся другый раз. Мали трое дѣти: Калмана, Алберта и Яноша (тот умер в дѣточых роках). Од року 1887 до конця живота Миксат быв посланцьом парламента. В року 1889 выбраный за дописного члена Мадярской академии наук, в року 1905 — за повного.
Литературна творба Од року 1871 публиковав есеи и повѣданя в будапештянскых новинках. В року 1874, уже бѣдуючи в Будапештѣ, за послѣднѣ гроши выдав двотомник з невыразнов назвов Повѣданя (Elbeszélések), але тот не зробив жадный ефект. Тогды одышов на новинарску роботу до Сегеду, де му ай финанчно ся вело лѣпше. В Сегедѣ вызрѣв ай писательскый талант Миксата, ай идея двох далшых зборникох повѣдань з добрѣ познатого му живота Горных Угер, тоты два зборникы новел, котрым не было пары в дотогдышной мадярской литературѣ, и з котрыма намах став ся едным з найвекшых писательох.
Тоту литературну славу собѣ добыв зборниками повѣдань Побратимы Словаци (A tót atyafiak, 1881) и Добры половцѣ (A jó palócok, 1882), в котрых з глубоков симпатиев и гумором, але и кус идилично, указав селянскый живот.
Скорша творба Миксата ещи доста романтична. Ближе ку концю стороча ставать ся вецей реалистичным писательом каждоденного живота, котрый указовав з розумѣньом и сочувством, але и мав доста одвагы остроумнов сатиров цѣховати недостаткы сполочности. В року 1894 году опубликовав свой первый роман Обсѣданя Быстрицѣ.(Beszterce ostroma)
Жерела и одказы
Творба на вебу
Mikszáth Kálmán művei a Project Gutenbergen Кальман Миксат — Собрание сочинений в шести томах. М.: Художественная литература, 1966-69.
Референции
Катеґорія:Мадярскы писателе Катеґорія:Мадярскы новинаре Катеґорія:Посланцьове парламента